Home Notisia Horta Hato’o Felisitasaun Ba Dom. Virgilio Hetan Nomesaun husi Papa Sai Kardeál...

Horta Hato’o Felisitasaun Ba Dom. Virgilio Hetan Nomesaun husi Papa Sai Kardeál Dahuluk Iha TL

792
0
Prezidente Republika visita Arsebispu Arquedioseze Metropolitana Dili, Dom. Virgilio do Carmo da Silva. [Foto: Ruben RTK | 30.05.2022]

Reportajen Santina Lucia da Costa

Prezidente Republika, Dr. José Ramos Horta hakat ba Kámara Ekleziastika Lecidere Kumprimenta, hodi hato’o felisitasaun ba Arsebispu Arquedioseze Metropolitana Dili, Dom. Virgilio do Carmo da Silva ne’ebé hetan nomeasaun husi  Papa Francisco hodi sai kardeal dahuluk uma kreda Timor-Leste nian.

Regina Coeli 29 iha Maiu 2022. Papa Francisco anunsia naran kardeál foun ba santa kreda. Kardeal ne’ebé Papa Francisco hili hamutuk 21. Entre sir aida mak Dom. Virgilio do Carmo da Silva ne’ebe sei sai nu’udar kardeal dahuluk iha uma kreda Timor-Leste.

Hafoin Komprimenta no hato’o felisitasaun, Prezidente Republika, Dr. José Ramos Horta, mós hato’o obrigadu ba Santu Padre Papa Francisco ne’ebé nomea Arsebispu Arquedioseze Metropolitana Dili, Dom. Virgilio do Carmo da Silva hodi sai kardeal.

“Hau mai iha ne’e aprejenta kumprimentu parabens ba povu Timor Leste, parabens ba Igreja Timor Leste, parabens ba Amu Dom Virgilio no obrigadu ba Santo Padre ne’ebé nomeia ita nia Arsebispu Metropolitano Dili ba kardeal.” dehan Prezidente Repúblika José Ramos Horta ba jornalista sira hafoin remata vizita Bispu Dom Virgilio do Carmo iha Rezidensia Kámara Ekleziastika Lecidere, 30/05.

Xefe Estadu afirma, hanesan liafuan istórika, prinsipiu Igreja iha kardeal sira, istória importante tebes, istória Igreja nian, no istória mundu nian, figura sira kardeal ne’e prestiju boot, tanba meritu Amu Bispu Dom Virgilio nia esperiénsia, matenek, simplesidade, umilidade ne’e mak Amu Papa hili, bainhira selebra tinan 20 restaurasaun indepedénsia Timor iha 98% Katólika iha mundu.

Ramos Horta konsidera Timor númeru ida entre rai nasaun lima ne’ebé maiória Katólika persentajen boot liu Filipina, Brazil iha rai barak laiha, ne’e duni importante ba todan ne’ebé Igreja iha Amu Papa nomeia kardeal kolaboradór direita.

“Hau mai iha ne’e komprimentus Amu, parabens nu’udar Timoroan kontente loos ita selebra tinan 20 Amu Papa nomeia ita nia Arsebispu ba kardial.” Tenik, Horta.

Ramos Horta, realsa, Estadu kontinua parseira metin ho Igreja sé mak ukun ona Prezidente Repúblika ho Primeiru Ministru, Parlamentu Nasionál laiha ida ne’ebé la konsidera papél Igreja nian no relijiaun sira seluk Protestante, musulmanu.

Horta, hatutan, Igreja Katólika mak 98% no tinan 500 iha Timor, tinan 2000 iha mundu ne’e duni relasaun espesial ho Igreja setór ida hametin dame iha rai, rekonsiliasaun, edukasaun, kultura Igreja identidade ba Timor mak lian Tetum mai husi desizaun Igreja nian purtantu papél Igreja nian boot tebe-tebes.

Iha fatin hanesan Arsebispu Arquedioseze Metropolitana Dili, Dom. Virgilio do Carmo da Silva, Hateten, Uluk nanain hodi ninia naran no Igreja Timor nia naran hakarak hato’o agradese tebe-tebes ba iha Prezidente Repúblika, José Ramos Horta ne’ebé ohin lokraik kmanek ida ne’e hakat mak iha Kámara Ekleziastika Lecidere atu hato’o ninia felisitasaun ba atan nian ne’ebé Amu Papa fihir no nomea nu’udar kardeal ba iha Santa Kreda iha Timor.

“Ha’u agradese tebes ba Xefe Estadu ne’ebé halo pasu ida mai iha ne’e atu hato’o felisitasaun ida ne’e. Hau nia sentimentu, hau la mehi no la buka ida ne’e, maibé bainhira hau rona ida ne’e hau hakfodak ne’ebe hodi kalan hau susar loos atu toba, tanba hau la hatene buat ne’e mosu husi ne’ebé mai.” Dehan Dom. Virgilio do Carmo da Silva.

Dom. Virgilio do Carmo da Silva, realsa, Tanba sarani no Igreja Timor mak merese atu simu Dom ka grasa ida ne’e nu’udar rekoñesimetu ida ne’ebé Maromak halo liu husi Amo Papa ba povu Timor ne’ebé halo tiha ona ninia tinan atus lima nu’udar envajelizasaun nu’udar Igreja buras atu lima.

Nia hatutan, Tinan ida ne’e iha ne’ebé Timor Leste selebra nia Restaurasaun Independénsia ho Prezidente Repúblika ida ne’e hanesan mós grasa ida ne’ebé Nai Maromak fó ba Timor ne’ebé sentimentu agradesimentu, sem dúvida sente la soi ba ida ne’e, Maromak uza nu’udar instrumentu ho Maromak ninian ba ita nia povu.

Nia informa, seremónia tuir komunikasaun ne’ebé Bispu Dom Virgilio simu to’o ohin dader katak 27 Agostu tinan ida ne’e, mak Roma sei hala’o serimónia iha ne’eba, ne’ebé  sei simu hanesan posse kardeal nian.

“Prosesu ne’e ha’u mós la hatene, maibé polítika uma kreda nia lala’ok hanesan ne’e maibé Amu Papa tinan-tinan nia tenke fihir nafatin kolaboradórs hodi ajuda nia tau matan ba uma kreda.” tenik nia.

Print Friendly, PDF & Email

LEAVE A REPLY

Please enter your comment!
Please enter your name here