Home Analisa Bolseiru Timoroan 130 Husu Apoiu Ba PR Buka Solusaun Nune’e Bele Fila...

Bolseiru Timoroan 130 Husu Apoiu Ba PR Buka Solusaun Nune’e Bele Fila Fali Ba Xina

1042
0
Association of Timorese Students in China (ATSC) iha palacio prezidensia. [Foto: Colo | 01.06.2022]

Reportajen Francisco Colo

Association of Timorese Students in China (ATSC)  hato’o preokupasaun ba  Prezidente Republika, Dr. José Ramos-Horta  hodi rengresu fila fali estudante ka bolseiru timoroan ba Xina, ne’ebé to’o ohin loron seidauk fila ba kontinua estudu iha rai refere.

Reprezentante Delegasaun Association of Timorese Students in China (ATSC),  Dircio Francisco Xavier Fatima Ximenes hatete objetivu husi enkontru ne’e, atu relata problema ka dezafiu sira ne’ebé estudante sira hasoru, liuliu rengressu fila estudante sira ba kontinua estudu  iha Xina

“Presidnete Republika atu relata problema ka dezafiu sira ne’ebé mak estudante ka bolseiru  Xina sira hasoru I depois husu mos Prezidente nia apoiu ka atensaun, para bele ajuda mos regresu fasilita estudante sira fila ba Xina para  bele kontinua sira nia estudu.” Haktuir Dircio hafoin remata enkontru ho Prezidente Republika, Dr. José Ramos-Horta,iha salaun palasiu prezidensial Aitarak laran, Dili 31/05/2022.

Nia hatutan problema pandemia global lockdown, problema internasionál entaun difikulta estudante sira atu fila ba Xina, atu kontinua no finaliza sira nia estudu,  tempu iha mos problema internet ne’ebé difikulta sira.

Sira labele fila ba Xina  tanba iha kustu balun  rekere ba estudante sira atu halo pratika iha laboratorium no hospital, entaun ho dezafiu sira ne’e iha Timor laiha laboratorium para atu pratika, entaun difikulta sira nia estudu tuir tempu ne’ebé determinadu ona.” Dehan Dircio.

Alende ne’e problema seluk mos kona ba selu kuarentena ho kustu boot nune’e difikulta tebes estudante sira

Entretanto resposta hosi Prezidente Republika katak sei komunika ho parte governu no embaixada Xina, para bele buka solusaun ba problema bolseiru sira ba Xina.

Total estudante hamutuk 100 resin bolseiru ne’ebé estuda mak iha área medisina jerál, Engenaria, Ekonomia, Komersiu internasional, Direitu área hotu iha no maioria governu Xina mak selu, to’o agora estudante 130 pessoal mak seidauk rengressu fila ba Xina

Print Friendly, PDF & Email

LEAVE A REPLY

Please enter your comment!
Please enter your name here