Home Notisia PNTL Relata Kazu Krimi Semana Ida nian no Tama Ilegal Total 76

PNTL Relata Kazu Krimi Semana Ida nian no Tama Ilegal Total 76

237
0
porta-voz Komando Jeral PNTL Superitendente, Xefe Arnaldo de Araujo. [Foto: Bernarda da Costa | 21.01.2021]

Reportazen Bernarda da Costa

Polisia Nasioanal Timor-Leste (PNTL), liu hosi porta-voz Komando Jeral PNTL Superitendente, Xefe Arnaldo de Araujo relata konaba akontesementu ka kazu sira ne’ebe akontese iha semana ida nia laran.

Liu hosi konferensia imprensa Komando Jeral PNTL Superitendente hateten durante semana ida nia laran hahu husi 15 Janeiro to’o 20 Janeiro 2021, PNTL rejista total insidente 57, Violensia Domestika iha 12, asaltu malu 11, baku malu 10, ameasas 4, ofensa atividade fisika simples 15, tuda malu 2, asidentes 40, kanek kaman 24 no kanek todan 5.

“Maske durante ne’e akontese kazu asidentes no insidente maibe situasaun iha teritoriu laran lao hakmatek”, dehan portavoz PNTL Arnaldo de Araujo ba jornalista sira, liu husi konferensia iha salaun enkontru Komando Geral, 21/01.

Relasiona ho ema tama illegal hosi fronteira, Porta-Voz ne’e informa katak ema nebe tama ilegal hosi loron 1 Janeiro to’o 20 Janeiro hamutuk nain 76, inklui feto 18 no mane 58, ema hirak  timoroan nain 73 no estrangeiro 3 no nain 9 ne’e tama ona kuarentina nebe mak espalla iha kapital Dili no sei kompleta loron 14 tuir regra ne’ebe mak iha.

Iha konferensia imprensa ne’e Komando Jeral PNTL Superitendente husu ba publiku sira, ba fasilidades sinais ne’ebe mak governu tau iha estrada ninin atu labele estraga, tamba  kodigoupenal artigo 259 dehan Dano Agravado katak ema ida nebe mak estraga sasan no fasilidades publiku sei tama prizaun tinan 2 to’o tinan 8.

“Wainhira ema ruma esraga sasan iha fatin publiku sira maka PNTL  simu informasaun ka keixa balun mai husi publiku,maka PNTL sei atua”, tenik Porta -Voz PNTL.

Print Friendly, PDF & Email

LEAVE A REPLY

Please enter your comment!
Please enter your name here