Home Notisia Tinan 2 Ona Traballador Guarda Lorosa’e La Simu Salario, Agusto: Halo Hela...

Tinan 2 Ona Traballador Guarda Lorosa’e La Simu Salario, Agusto: Halo Hela Reklamasaun

638
0
Koordenador Seguransa Lorosa'e, Olio Pezado Municipiu Baucau, Cipriano Hornai da Silva Sarmento.[Foto: Francisco JDA | 20.01.2021]

Reportazen Francisco JDA

Guarda Lorosae hato’o ezijensia ba Parlamentu Nasionál (PN) liu hosi Komisaun E ba trata Asuntu Infrastrutura, relasiona ho trabalhador Guarda  Lorosa’e ne’ebé hala’o ona knaar seguransa ba kompania Olio Pezado, besik tinan rua ona maibé to’o agora seidauk hetan salario hanesan traballador.

Koordenador Seguransa Lorosa’e, Olio Pezado Municipiu Baucau, Cipriano Hornai da Silva Sarmento ba jornalista sira hateten katak, durante tinan rua seguransa iha Olio Pezado kuaze territóriu laran tomak ema hamutuk 468 mak seidauk simu salario.

“Ami komesa kontratu no halo  serbisu hahú hosi tinan 2011 no estadu hakotu kontratu iha tinan 2019, derepenti estadu dehan Guardamor mak manán kompetisaun, mais ami la hatene inklui ami nia kompania mós la hatene. Derepenti de’it estadu dehan para, iha tina 2019 fulan Junhu ami la hetan salario, bainhira ami husu, sira dehan osan la iha no ami mai ko’alia tiha ona ho Prezidente Komisaun E no sei buka dalan hato’o ba Obras Publikas”, hatete Koordenador Seguransa Lorosae Municipiu Baucau Cipriano Jornál da Silva Sarmentu iha PN, 13/01

Relasiona ho kestaun ne’e jornalista halo konfirmasaun ho Presidente Komisaun E, Abel Pires ba jornalista informa katak, problema Guarda Lorosae ne’e problema tuan hahú kedas iha 2019, sira hala’o knaar iha EDTL  Olio Pezado nian Timor laran tomak, maibé tanba mudansa kontratu akontese iha Juñu 2019 kompnia troka,  maske traballador kontinua halo serbisu maibé la simu salario kestaun ida ne’e hato’o hela de’it iha PN maibé problema seidauk resolve.

“Ami lamenta tanba iha ida hosi sira, ho kondisaun vida todan, nia komete oho an iha tinan kotuk iha Manatutu.  Komisaun komprende sira nia kondisaun tanba sira serbisu desde 2019 tinan rua ona, maibé seidauk hetan sira nia direitu hanesan traballador, entaun ne’e prekupasaun boot ba ami no asuntu ne’e  tama iha agenda komisaun nian oinsá atu resolve situasaun,” hatete Presidente Comisaun E, Abel Pires

Abel Pires reforsa tan Komisaun E halo ona fiskalizasaun no simu rekomendasaun sira hotu, hodi hato’o ba governu tanba komisaun la iha kompetensia atu resolve.

Relasiona ho Asuntu ne’e Neon Metin konfirma ho fundadór nudar mos nain ba kompanha Guarda Lorosae, Agostu Tara Araujo via telefone hatete katak, kompania Guarda Lorosae ne’e IV Governu mak loke, nune’e serbisu direitamente iha Olio Pezado, tanba ne’e mak problema ne’e ligado  ho governu ida ne’e, kestaun traballador nia ezijensia, ne’e kompania iha responsavel.

“Komesa 2019 to’o agora sira la hetan salario, agora dadaun ne’e prosesu la’o hela no ami halao hela reklamasaun ba ema sira nia direitu, tanba ne’e iha ona informasaun katak iha loron Quarta oin sei bolu kompania ida ne’ebé mak manán tender, sei tur hamutuk hodi esplika los tuir dalan,” hateten Agostu Tara Araujo via telefone 20/01

Agostu Tara Araujo reforsa tan katak governu dehan Guardamor mak manán tender maibé ami la tuir tender, tanba ne’e ami husu tur hamutuk ho Paralamentu Nasionál Komisaun E  inklui kompania Guardamor, atu bele esplika prosesu ne’e tuir nia dalan, maibé kompania Guarda Lorosae iha responsabilidade ba traballador ne’ebe hala’o ona serbisu.

Print Friendly, PDF & Email

LEAVE A REPLY

Please enter your comment!
Please enter your name here