Home Notisia Primeiru Ministru Relata Preparasaun Vasinasaun Ba Prezidente Lu Olo

Primeiru Ministru Relata Preparasaun Vasinasaun Ba Prezidente Lu Olo

235
0
Primeiru Ministru Taur Matan Ruak. [Foto: Santina Lucia da Costa | 04.02.2021]

Reportazen Santina Lucia da Costa

Primeiru Ministru, Taur Matan Ruak enkontru regular ho Prezidente Republika, Dr. Francisco Guterres Lu-Olo hodi informa atividade governu nian liuliu konaba COVID-19 iha Timor-Leste ne’ebe numeru aumenta makaas no preparativus ba vasinasaun.

Hafoin enkontru ba jornalista sira Primeiru Ministru informa katak kona-ba vasina, dadaun ne’e iha komisaun entre Ministerial ida atu trata asuntu ne’e, lidera husi Vice-Primeiru Ministru portantu atividades lao di’ak, aprezentasaun sei halo iha loron Kuarta oin mai, tanba ne’e governu seidauk hasai desizaun mais provoavalmente.

Xefe Governu ne’e prekoupa los ho surtu COVID-19 ne’ebe nia numeru postivu aumenta bebeik hosi, tanba ne’e mak ho extensaun Estadu Emerjensia ba dala-10 no governu desidi atu harii fali sala de situsaun no sei lidera hosi PrimeiruMinistru.

“Ami organiza maka’as hela, para re-ativa fila-fali sala situsaun iha CCD no mós tau minis iha fatin tolu hanesan Oe-cusse, Covalima ho Bobonaro para depois hakbiit ita nia-an. Ida mak kontrola no tama sai kuarentena sira”, hateten Primeiru Ministru, iha Palasiu Prezidensial, Nicolau Lobato, Bairo-Pite, Dili, 4/2.

Taur akresenta katak tenke reforsa sensibilizasaun ba komunidade sira, hotu-hotu atensaun maka’as ho moras ne’e, evita kontazen komunitaria, tanba grasas a deus fulan 10 ona ita konsege evita ema mate iha ita nia rai ne’e susesu boot,

“Ita kontinua serbisu para hametin liu tan bele konsolida, mais ba ida ne’e laos governu mesak de’it, orgaun estadu hotu-hotu inklui sidadaun, ideia ida fó ona kontribuisaun ne’e importante liu”, hateten Taur Matan Ruak

Print Friendly, PDF & Email

LEAVE A REPLY

Please enter your comment!
Please enter your name here