Home Notisia Sesta Bazika, CNRT Kestiona Kua Osan 7%, MAPKOMS: Ne’e Soliedariedade Governu nian

Sesta Bazika, CNRT Kestiona Kua Osan 7%, MAPKOMS: Ne’e Soliedariedade Governu nian

730
0
Ministeriu Asuntus Parlamentares no Komunikasaun (MAPKOMS), Francisco Jeronimo. [Foto: Francisco JDA | 15.02.2021]

Reportazen Francisco JDA

Bankada Congresu Nasionál Rekonstrusaun Timor (CNRT) kestiona polítika  governu atu kua osan 7% hosi  kada Ministeriu, nune’e bele  tulun programa Sesta Bázika, tuir sira katak lolos ne’e orsamentu ba programa Sesta Bázika nian ne’e iha.

Tuir Xefe Bankada CNRT, Duarte Nunes ba jornalista sira hateten, “ami kestiona foti osan 7% hosi kada Ministeriu ne’e tuir lolos labele, tanba orsamentu  ba programa ida nian iha ona no sesta bázika ne’e mós iha nia osan rasik”.

Ho kestaun ne’e  jornalista konfirma kedas ho Ministeriu Asuntus  Parlamentares no Komunikasaun (MAPKOMS), Francisco  Jeronimo, ba jornalista Ministru hatan katak orsamemtu 7% ne’e soliedariedade governu nian la’ós bankada,  di’ak liu akompanha to’o Novembru ka Dezembro 2021 mak la halo buat ruma, entaun bele hatete katak orsamemtu kada programa ne’e la serve,

“Ida ne’e  foin mak hahu ba fulan Fevereiro normalmente sei la halo serbisu boot liu, tanba sei halo ajustamentu sistema entaun trimestre dahuluk mós serbisu la’o normál tanba atu halo projeto boot mós presiza fulan neen”, dehan Ministru Francisco iha Parlamentu, 15/02.

Nia dehan bankada duvida tanba sira seidauk hare maibé fó tempu ba governu to’o fulan Novembro-Dezembru liu hosi diskusaun orsamentu 2022, governu optimista saida mak tau iha programa sei realiza”, dehan Francisco Jeronimo.

Print Friendly, PDF & Email

LEAVE A REPLY

Please enter your comment!
Please enter your name here