Home Saude ADB Liu Hosi UNICEF Apoiu Ekipamentu Prevensaun COVID-19, Inklui Ventilator

ADB Liu Hosi UNICEF Apoiu Ekipamentu Prevensaun COVID-19, Inklui Ventilator

143
0
ekipamentu iha ospital Lahane. [Foto: David da Costa | 02.03.2021]

Reportazen David da Costa Gusmao*

Banku Dezenvolvimentu Azia (ADB) liu husi Fundu Nasoen Unidas ba Labarik (UNICEF) Entrega  ekipamentu mediku, kama ospital, ventilador atu apoiu Ministeriu Saude (MS), hodi halo prevensaun hosi COVID-19 iha Timor-Leste.

Vice Koordenador Forsa-Tarefa Prevensaun Surtu COVID-19, Odete da Silva Viegas hateten ekipamentu saude ne’ebe apoiu husi ADB ho UNICEF, ajuda tebes halo tratamentu ba ema hotu ne’ebe hetan moras COVID-19, no mos ba ema sira hotu iha Timor-Leste mak presiza asesu ba centro kuidadu saude sira.

“Ekipamentus  mediku ne’ebe ita presiza iha kazu  grave, laos ida ne’e deit maibe sira mos apoiu 100 kama, 25 ita tau iha Lahene no 75 tau iha Tasi Tolu no mos ventilador 4”, dehan  Odete ba jornalista sira iha Ospital Antonio Carvalho, Lahane, 02/03.

Nia haktuir ekipamentu sira mak hanesan kama ospital ba Unidade Koidadu Intensivu (ICU), kama sira seluk ba Ospital, Ventilador ICU, Oximetru ba Pulsu, Lampada Ultravileta ba sala esterilizasaun, Termometrus, Infravermellu, Laringosokopiu ba adultu no labarik sira no Luz ba izaminasaun.

Nia hatuir durante ne’e  iha Ospital Vera Cruz ne’e tau projeksaun kazu moderadu , kazu level tau iha Tasi Tolu no kazu grave ne’e tau iha Lahane.

Iha fatin hanesan Diretor Banku Dezenvolvimemtu Azia (ADB), Sunil Mitra hateten apoiu ne’e sei ajuda garante Timor-Leste prepara-an diak, atu fornese servisu saude nesesaria ba sira ne’ebe hetan moras COVID-19.

“Finaseiru ne’ebe fo ba UNICEF hodi hola ba material medikal atu apoiu ba Ministeriu Saude hamutuk $1 milloens”, dehan Mitra.

Reprezenrante UNICEF Timor-Leste, Scott Whoolery,  kontente tebes hodi fo apoiu material ba MS  hodi hatan ba pandemia COVID-19 no mos garante serbisu saude sira seluk halao nafatin tuir ema sira nia nesesidade.

“Saida mak ami bele halo iha tempu inserteza ne’e, hodi garante labarik sira no sira nia familia bele asesu ba kualidade saude tuir lolos ami nia dezempeñu, ita hotu hamutuk, ita hamutuk ba ida ne’e”, nia dehan.

*(David da Costa Gusmao nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here