Home EduTek Suspende Atividade Eskola? TLCE Husu MEJD Distribui Livru Ba Estudante Iha Area...

Suspende Atividade Eskola? TLCE Husu MEJD Distribui Livru Ba Estudante Iha Area Rural

615
0
Situasaun eskola no estudante sira iha Ura-Hou Ermera. [Foto: Santina Lucia da Costa | 29.05.2020]

Reportazen Francisco JDA

Relasiona ho numeru afetadu ba COVID-19 ne’ebe kontinua sae, liu-liu tanba iha ona transmisaun komunidade iha Covalima, no sei extende tan Estadu Emerjensia (EE) badala 11, ne’ebe sei hahu iha loron 4 Marsu – 2 Abril.

Diretor Timor-Leste Coalition (TLCE), Jose Monteiro ba jornalista sira hateten iha posibilidade sei suspende atividade eskola sira iha territóriu nasionál, nune’e sei la fo impaktu  ba estudante sira ba prosesu aprendizajen, maske governu iha inisiativa halo programa eskola ba uma maibe ida ne’e nafatin sai dezafiu.

“Se karik eskola sira taka sei afeta ba estudante sira nia prosesu aprendizajen, maibé governu mak tenki iha inisiativa atu aproxima no introduz hodi fo nafatin aportunidade ba ema atu aprende, signifika eskola mak suspende maibé la suspende prosesu aprendizajen”, dehan Jose Monteiro iha FONGTIL, 02/03.

Nia dehan iha tinan 2011 TLCE halo peskiza bainhira sira introduz programa no integra programa digitalizasaun sistema edukativu, halo peskiza lubuk ida hosi Portugul no Brazil deskobre katak infrastrutura la adekuadu atu bele aplika lalais, ba sistema mekanismu edukativa, to’o agora ida ne’e la’o tanba se eletrisidade la adekuadu televizaun la lakan, nune’e Ministeriu Edukasaun Juventude no Desportu (MEJD) nia desenpenho mós depende ba Ministeriu seluk.

Diretor TLCE ne’e reforsa tan tuir lolos governu foku ba ema sira ne’ebé hela iha area remotas, tanba susar atu asesu televizaun, online meius ida di’ak liu mak fahe livru ba sira, nune’e online ba centru municipiu sira no iha area remotas distribui livro.

“Pelumenus agora bele melhora di’ak liu tan eskola ba uma, para depois bele atinji Munisípiu centro sira ne’ebé mak maioria asesu ba telefone no televizaun, estudante pre eskola ka ensino bázika maioria la kaer android maibé iha area remotas distribui livru nune’e sira bele lee”, hateten Diretor TLCE José Monteiro

Print Friendly, PDF & Email

LEAVE A REPLY

Please enter your comment!
Please enter your name here