Ministeriu Saude detekta tan kazu konfirmadu COVID-19 foun nain 5, liu hosi zoom konferensia imprensa iha loron 16/03, Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo relata katak Ministeriu Saude detekta tan kazu foun nain 5, mane nain 2 no feto nain 3, ho no nain ida idade tinan 11. Hosi pasiente refere, idade entre tinan 32-42 iha nain 4. nain 2 iha sintomatiku no sira nain 3 seluk asintomatiku ka la hatudu sintomas.
Dr. Rui hatutan dadus hosi loron 1 Janeiro 2021 mai to’o agora, iha 11% husi kazu detetadu maka hatudu sintomas, maibé sintoma ne’ebé lijeiru no seidauk iha ema ida maka presiza oksizéniu ka suporte respiratóriu seluk.
Evolusaun surtu COVID-19 iha municipio Dili, kazu foun 5 iha leten iha hotu Munisipiu Dili, ho detalles hanesan tuir kazu pozitivu 1, husi aldeia Terra Santa, Suku Madohi, Postu Administrativu Dom Aleixo, kazu ne’e kontaktu-besik iha uma-laran husi cluster BTN II, ne’ebé deteta iha loron 7 Marsu, ninia teste primeiru negativu, hafoin halo tiha kuarentena, pozitivu iha segundu teste horiseik.
Kazu pozitivu 1, husi Aldeia 05, Suku Fatuhada, Postu Administrativu Dom Aleixo. Pozitivu ida ne’e kontaktu-besik ho kazu konfirmadu husi Cluster SEFOPE. Kazu ida ne’e profisionál saúde ida iha HNGV, unidade hemodiálize, nia hahú iha sintomas lijeirus iha loron 11 Marsu, hafoin iha loron 15 Marsu halo test, no hatudu pozitivu.
Kazu pozitivu 2, husi Aldeia 20 de Setembro, Suku Bebonuk, Postu Administrativu Dom Aleixo. Pozitivu hirak ne’e iha kontaktu-besik ho kazu 2 pozitivu iha cluster hanesan, hosi mós pozitivu nain rua ne’e maka hamosu cluster ida iha Baucau, Wailili ne’ebé anunsía loron rua liu-bá, kazu pozitivu 1, husi Aldeia Avansa, Suku Bairro Pite, Postu Administrativu Dom Aleixo, pozitivu ida ne’e kontaktu besik husi kazu pozitivu iha cluster Aldeia 4 de Setembru, ne’ebé hetan da’et husi nia la’en ne’ebé servisu iha MTC.
Ho nune’e, kazu detetadu ka pozitivu iha Munisipiu Dili husi loron 7 Marsu to’o ohin, hamutuk hotu 77.Dadus em jeral Kkzu foun nain 5, kazu rerekuperadu laiha no kazu ativu sae ba 104.
