Home Notisia CIJK Halo Atendimentu Ba Pedidiu Tama Sai Municipio Liu Hosi Email no...

CIJK Halo Atendimentu Ba Pedidiu Tama Sai Municipio Liu Hosi Email no WA

765
0
CIJK

Reportazen Zevonia Vieira

Serka Sanitaria ne’ebe kontinu extende no fo impaktu ba sidadaun sira ne’ebe atu halo movimentu ba sira nia municipio, liu zoom konferensiam imprensa, Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo katak pedidu atu sai, ka atu tama ba Munisipiu sira ne’ebé governu impoin ona serka sanitária, tenki diriji hotu ba Diretor Centro Integrado Gestão de Crise, Brigadeiro General João Miranda ‘’Aluk’’, liu husi email centrointegradogestaodecrises@gmail.com no bele mos haruka WhatsApp ba 77575151 ka 74236509, bele mós telefona ba 77539773 hodi halo follow up.

Relasiona ho numeru konfirmadu ne’ebe kontinua sae, CIJK apela ba populasaun ne’ebé presiza autorizasaun espesial atu tama ka atu sai husi serka sanitaria iha Munisipiu Dili, Baucau no Viqueque, atu haruka pedidu liu husi meiu email ka WhatsApp’s (WA)

“Favor evita mai halibur iha CCD hodi nune’e reduz risku atu hada’et moras ba malu. Ekipa Sekretariadu & no ekipa Estadu Maior Koordenador nia sei halo esforsu hotu, atu la demora hodi responde ba ita bo’ot sira pedidu”, dehan Dr. Rui, 16/03.

 Dr. Rui konklui katak populasaun Timor-Leste tomak, liu-liu iha Munisipiu Dili, Baucau ho Viqueque atu nafatin hakmatek. Maski kazu konfirmadu aumenta ba beibeik, no naklekar mós ona ba Munisipiu Baucau & Viqueque, husu atu tu’ur nafatin hakmatek, atu nafatin matanmoris neon nain, lalika sé tilun ba lia-anin ka rumores, pratíka nafatin medida sira 4 ne’ebé ita hotu hatene ona katak uza mascara, fase liman beibeik ho sabaun ka dezinfetante ruma,  evita kose liman ba matan, inus ho ibun,  wainhira kumprimenta malu, la presiza ka’er liman, bensa-liman, rei-malu ka haku’ak malu,  evita halibur malu barak,  hamri’ik ka tur do’ok husi ema seluk, mínimu metru ida ho balun.

Print Friendly, PDF & Email

LEAVE A REPLY

Please enter your comment!
Please enter your name here