Home Uncategorized UE ho CEPAD Apoiu Internet Ba Jornalista Linha Frente Sira

UE ho CEPAD Apoiu Internet Ba Jornalista Linha Frente Sira

681
0
UE no CEPAD entrega simbolikamente pulsa internet ba AJTL no TLPU. [Foto: Alia da Silva | 31.03.2021]

Reportazen Francisco JDA

Asesu ba internet importante tebes ba jornalista sira hodi halo sira nia servisu ho livre no akuradu, no ajuda sira atu identifika informasaun ne ‘ebé la loos no notisia falsu, no  asegura sidadaun sira hodi asesu ba informasaun vitál no konfiável hodi proteje sira-nia an rasik husi virus COVID-19. 

Uniaun Europeia (UE) ho Centro de Estudos para a Paz e Desenvolvimento (CEPAD) fo apoiu internet ba jornalista sira iha situasaun Serka Sanitria.

Liu hosi komunikadu imprensa ne’ebe Neon Metin asesu iha loron 31 Marsu, esplika katak iha kontestu COVID-19 no serka sanitariu iha Timor-Leste, meiu komunikasaun sosiál sira iha papél fundamentál, atu garante diseminasaun informasaun ne ‘ebé loos ba públiku. Asesu ba informasaun ho kualidade diak, importante tebes durante krize saúde global no jornalista sira sei sai guarda importante hodi kontra informasaun falsu  durante pandemia ne ‘e.

Iha tempu ne’ebé presiza tebes jornalista sira, barak mak lakon sira nia rendimentu tanba saláriu ko ‘a no pagamentu ne’ebé atraza, tanba situasaun ekonómika ne ‘ebé hamenus no restrisaun sira ne’ ebé Estadu Emerjénsia impoin.

Nune’e, Uniaun Europeia no CEPAD (Centro de Estudos para a Paz e Desenvolvimento), halo akordu ho Asosiasaun Jornalista AJTL no Uniaun Imprensa Timor-Leste, fó kartaun pulsa telefóniku ba jornalista hamutuk 450, ho folin USD20 kada ema, hodi tulun selu internet no komunikasaun.

Diretor Ezekutivu CEPAD, João Boavida iha komunikadu imprensa hateten

inisiativa ne’e foka liliu ba grupu sira ne ‘ebé esperiénsia difikuldade, atu asesu ba informasaun. Projetu ne e fó kbiit ba sidadaun sira atu hetan asesu ba informasaun liu hosi atividade edukasaun, hasa ‘e koñesimentu kona-ba sira-nia direitu no promove partisipasaun iha debate demokrátiku iha Timor-Leste.

“CEPAD fiar katak informasaun ba públika ne ‘ebé konfiavel no loos ne’ e importante tebes, liuliu durante tempu krize COVID-19 nian ne ‘e, no CEPAD sente privilejiadu atu apoia mídia hodi garante katak informasaun sira ne’ e asesivel ba públiku”, dehan João Boavida.

Iha hanoin hanesan hosi Embaixadór Uniaun Europeia ba Timor-Leste Andrew Jacobs hateten difikuldade ba sirkunstánsia ekonómika ne’ebé kauza husi COVID-19 signifika katak jornalista sira nia fonte hodi buka-moris hetan ameasa iha tempu ne’ ebé ita presiza tebes.

“Jornalista sira presiza iha meius atu halo relatóriu ida ne ‘ebé loloos no tuir tempu, atu nune’ e públiku bele hetan informasaun kona-ba Surtu Covid-19,  oinsa atu proteje sira nia an no hirak ne ‘ebé sira hadomi, no oinsá mak halo funu hasoru COVID-19. Sei la iha tempu ne’ ebé importante liu ba media nebe livre, no media independente laos deit atu moris, maibé atu dezenvolve an mos. Jornalizmu Independente importante tebes atu fó asesu públiku ba informasaun ne ‘ebé loloos no kontra informasaun la loos kona-ba pandemia ne’ e,” dehan Andrew Jacobs

Inisiativa ida-ne ‘e harii baseia ba medida sira seluk nebe halao ona hodi tulun meiu komunikasaun sosiál no jornalista sira, ne’ ebé halao liu husi “Osan Povu Nian, Jere ho Dia ‘k’, no finansia husi Uniaun Europeia no Kooperasaun Portugeza. Medida apoiu nian sira ne’ e inklui sosa espasu publisidade iha jornál sira no fo insentivu atu insentiva publikasaun artigu sira iha área espesializada sira ba jornalista besik 115.

Doasaun ba kartaun internet ne’e, finansia husi Uniaun Europeia liu husi inisiativa “Reforsa Akontabilidade Governu nian ba Covid-19,  liu husi Promove Liberdade no Asesu ba Informasaun iha Timor-Leste” ne’ebé implementa husi CEPAD.

Print Friendly, PDF & Email

LEAVE A REPLY

Please enter your comment!
Please enter your name here