Reportazen Francisco JDA
Virus Sar-Cov-2 ne’ebe afeta ona mundu global liu tinan ida nian laran, no afeta ba ema nia vida. Ohin loron 5 Abril governu Timor-Leste simu ona vasina COVID-19 Atrazeneca, ne’ebe hetan rekomendasaun hosi Organizasaun Mundiál Saúde (OMS).
Koordenador Jerál COVID-19 Municipiu Dili, Odete Viegas ba jornalista sira hateten vasina lolos ne’e Timor-Leste hetan 20% ho númeru 263 doses, maibé vasina ne’ebé ohin to’o mai bele dehan 1%, tanba iha 24 mill doses, nune’e hosi 24 mill doses ne’e sei fo ba frontline sira hanesan Profesional saúde, PNTL, F-FDTL, Media, Bombeiros no imigrasaun nune’e iha biban fó mós ba ema moras balun.
“Lansamentu sei hala’o iha loron 7 Abril, sei fo ba ema 20 pessoas uluk nune’e iha loron 7 Centro Saúde 6 iha Dili laran, sei hala’o hotu kedas Vasina iha loron ne’e,” hateten Koordenador Jerál COVID-19 Municipiu Dili, Dra.Odete Viegas,iha aeroportu Nicolau Lobato Dili, 05/04
Dra Odete reforsa tan, planu ne’ebé ekipa saúde iha sei halo distribuisaun vasina iha loron aban, ba Centro Saúde sira iha Municipiu Dili, inklui Ataúro no Metinaro, nune’e loron 7 ne’e sei halo lansamentu iha Dili no mós distribuisaun ba Municipiu Sira, nune’e iha loron 8 iha Municipiu sira halo mós vasina.
“Ita atu adobta ba vasina ida ne’e, ita tenki iha prekualifikasaun ba Organizasaun Mundiál Saude (OMS) nian tanba Atrazeneca tama mós iha emergency Used List, tanba ne’e ita labele deside vasina tuir ita nia hakarak, maibé tenki hetan duni prekualifikasaun hosi OMS nian ne’ebé Atrazeneca hola parte,” hatete Dra. Odete Viegas.
