Home Saude Mane nain 1 Hetan Asidente Tranzitu no Detetadu Pozitivu SARS-CoV-2 Hakotu nia...

Mane nain 1 Hetan Asidente Tranzitu no Detetadu Pozitivu SARS-CoV-2 Hakotu nia iis

481
0
Ilustrasaun variadade foun Corona B117. [Foto: copyright google | 15.03.2021]

Reportazen Zevonia Vieira

Relasiona ho kazu sirurjia 1 tamba asidente tránzitu, no iha “Severe Head Injury” no detetadu pozitivu SARS-CoV-2, ohin loron 2 Maiu iha oras tuku 07h29 dader hakotu iis.

Hosi komunikadu imprensa CIJK esplika istoria klinika matebian nian kata mane idade 28 iha loron 27 Abril, tama iha Departamentu Emerjénsia HNGV ho diagnóstiku ‘’Severe Head Injury’’, hafoin asidente tránzitu, iha loron ne’e kedas familia husu lori fila ba uma.

Loron 29 Abril de 2021, tama fali iha Departamentu Emerjénsia HNGV ho nivel konsiénsia reduzida (Glasgow Coma Scale). Iha exame diagnóstiku ho CT scan hatudu ‘’Difuse Axional Injury & Edema Cerebri’’. Ida ne’e rezultadu husi trauma iha ulun, wainhira hetan asidente tránzitu loron 2 liu bá. Teste PCR hatudu rezultadu pozitivu ho CT: N2 gene 20.6; E gene 20.4

Husi loron 29 Abril kalan to’o ohin dader, hetan tratamentu tuir prosedimentu ba ‘’Severe Head Injury’’ iha fatin izolamentu Vera Cruz, atu prevene labele da’et-tutan virus SARS-CoV-2 ba pasiente sira seluk iha HNGV.

CIJK informa katak hafoin i’is-kotu, teste PCR post-mortem nafatin hatudu SARS-COV-2 pozitivu ho CT N2 gene 24.1, E gene 22.4. Ekipa konjunta saúde sei hein desizaun husi familia, atu halo’ot mate-isin iha fatin preferénsia familia nian, tuir regras ne’ebé determina ona.

CIJK mos informa katak kazu detetadu COVID-19 ida ne’ebé baixa iha Vera Cruz iha loron 12 Abril 2021, ho sindroma insufisiénsia respiratória aguda (SIRA), no hahú kedas uza ventiladór iha loron 12 ne’e duni, hahú ohin transfere ona ba Unidade Kuidadus Intensivus HNGV. Ninia teste PCR negativu dala 3 iha loron 23, 24 no 25 Abril 2021, maibé sei nafatin uza ventilador liu husi trakeostomia. Transferénsia ohin ba HNGV lao di’ak, no oras ne’e sei nafatin hala’o ventilasaun asistida.

Print Friendly, PDF & Email

LEAVE A REPLY

Please enter your comment!
Please enter your name here