Home Notisia Vasina AstraZeneca 20 mill Dozes To’o Ona Timor, 10 mill Dozes Sei...

Vasina AstraZeneca 20 mill Dozes To’o Ona Timor, 10 mill Dozes Sei Mai Tan

272
0
Embaixada Australia entrega ofisial vasina ba MS iha Aero Porto Comoro. [Foto: Delfina Borges | 05.05.2021]

Reportazen David da Costa Gusmao*

Ohin vasina AstraZeneca 20 mill dozes apoiu hosi governu Australia to’o ona Timor  ho  Aviaun Qantas spirit of Australia mais ho menus oras tuku 12:00 , no  semana rua tuir mai sei haruka tan 10 mill dozes.

Embaixador Australia iha Timor-Leste, Peter Roberts hateten ohin mai hamutuk iha ne’e, atu simu doasaun vasina AstraZeneca apoiu husi governu Australia ba governu Timor-Leste.

“Vasina AzstraZeneca ne’ebe governu Australia apoiu hamutuk 30 mill dozes no ohin to’o ne’e 20 mill dozes, semana rua oin mai doasaun  10 mill dozes,” dehan Peter iha aero portu Comoro, 05/05.

Nia esplika apoiu ida ne’e kontribuisaun  husi governu Australia, hodi tulun vasina ba populasaun Timor-Leste 80%  ne’ebe mak la kobre hosi COVAX.

“Vasina AstraZeneca ne’e halo produsaun iha Australia no povu Australia mos  simu vasina ida ne’e. Ami sei kontinua fo doasaun ba governu Timor-Leste liu hosi UNICEF, atu bele kobre ba populasaun sira iha Timor-Leste tomak, tanba vasina mak dalan uniku atu manan pandemia ida ne’e”, dehan nia.

Nia haktuir vasina ida ne’e apoiu adisional hosi funduns Australia nian ne’ebe apoiu governu Timor-Leste liu hosi WHO no UNICEF atu halo implementasaun ba kamapaña vasina.

” Hau mos atu informa tan ba ita hotu katak, ohin ami mos apoiu Rapid test ba iha laboratorou nasinal hamutuk 500, atu bele ajuda ekipa saude sira iha laboratoriun,” tenik nia.

Iha fatin hanesan Ministara Saude (MS), Odete Maria Freitas Belo agradese tebes ba governu Australia tanba bele apoiu ona vasina AstraZeneca ida ne’e mai Timor-Leste.

“Hau lori governu nia naran hato’o agradese ba governu Australia tanba halo ona nia kontribuisaun mai ona iha Timor-Leste. Kontribuisaun ida ne’e , laos hosi governu Australia deit maibe iha parseiru barak mos fo apoiu mai Timor-Leste,” nia dehan

Governante ne’e haktuir tan, kontribuisaun ida ne’e laos hosi governu Australia deit, maibe reprezentante nasaun hotu-hotu nia embaixador iha Timor-Leste hotu. Tanba sira nia serbisu hamutuk,”ho serbisu hamutuk mak ita realiza saida mak ita hakarak, tanba ami lakohi koalia kataa ida ne’e apoiu oituan ka barak, ba Timor saida mak imi oferese mai ami nia saude, ami agradese tebes, ba imi no konta mos ho imi iha prevensaun ida ne’e”.

*(David da Costa Gusmau nudar estudante UNTL ne’ebe halo estajiu iha Neon Metin)

Print Friendly, PDF & Email

LEAVE A REPLY

Please enter your comment!
Please enter your name here