Home Notisia Xefe Suku Leoncia: Prontu Apoiu Komunidade LGBTI nia Atividade Iha Suku Fatuquero

Xefe Suku Leoncia: Prontu Apoiu Komunidade LGBTI nia Atividade Iha Suku Fatuquero

1016
0
Xefe Suku Fatuquero, Leoncia Trindade (Foto-David).

Reportajen David da Costa

Xefe Suku Fatuquero, Leoncia Trindade, hateten,  iha ninia mandatu iha programa ida kona-ba ema ho LGBT, oinsa maka atu hele ajuda sira hodi dezenvolve sira nia atividade sira iha suku laran. Kona-ba halo diskriminasaun ba iha komunidade LGBT iha suku Fatuquero ne’e nia rasik seidauk rona  maibé ema seluk mak halo diskriminasaun ba LGBT nia sei bolu no fo atensaun kedas ba sira.

“Iha ha’u nia mandatu ha’u iha programa ida maka LGBT no ha’u hateten ba sira katak laiha ema ida hasai lia-fuan ne’ebé ladi’ak ba LGBT, tanba saida mak sira halo ita bo’ot sira labele halo, maibé iha Fatuquero rasik durante ne’e ha’u laiha ema ida hasai lia fuan deskriminasaun ba LGBT, hanesa ita nia lia fuan kasar bolu feto la’o hanesan ne’e no mane la’o hanesan ne’e ida ne’e maka ha’u rona, ha’u bolu kedas nian no bolu nia inan aman mak tenke responsabilidade, tanba moris ne’e la’os o maka halo, ne’ebé ba ha’u rona ema ida halo diskriminasaun ba ema ida nia vida moris ne’e la’os o maka halo, ne’ebé o laiha diretu atu ko’alia nia,”  dehan Xefe Suku Fatuquero, Leoncia ba jornalista sira iha Sede Suku Fatuquero postu Administrativu Railaku Munisipiu Ermera, sexta 19/04.

Xefe Suku ne’e esplika liu tan,  nia seidauk hatene kona-ba saida mak LGBT sira nia planu no saida mak sira halo, maibé se komunidade LGBT sira  iha planu ruma atu halo iha Suku Fatuquero nia prontu atu apoiu sira nian atividade sira.

“LGBTI sira nia atividade ha’u lahatene saida maka sira halo no saida maka sira nia planu, maibé bainhira mak sira iha planu ruma sira hakat mai sede suku ou sira mensajen ha’u prontu apoiu sira kualkér oras no kualkér tempu ha’u prontu tanba sira iha maka ha’u iha, laiha sira ha’u la sai Xefe Suku,” Tenik nia.

Venáncio Abílio Soares, ho naran estimado “Bunda” hanesan foin sa’e mane ida ne’ebé mak moris hanesan komunidade LGBT,  iha Aldeia Palemanu Suku Fatuquero, Postu Administrativu Railaku, Munisípiu Ermera.  Maske moris ho situasaun hanesna ne’e maibé “Bunda” ne’e badinas halo servisu feto nian iha uma laran hanesan tein, haree labarik, suku hena no inklui sai master of cerimony (MC) iha festa vijiñu sira nian.

“Loron ha’u halo de’it atividade uma laran nian hanesan tein, haré labarik no seluk tan, Além de tein iha uma, ha’u mós tein ba festa,  ha’u transforma hahán tradisional sai hahan modernu hanesan transforma ai-farina ba dose bolus, ho badinas sira ne’e iha eventu ruma, ema sempre mai iha ne ou liga ba ha’u atu bele tein,” dehan “Bunda”

Nia haktuir, prosesu halo bolu modernu husi aifarina mak dan tiha aifarina, hasai mai, lori fatuk deut, hafoin tau ba fornu, no halo sai ba bolus, ai-farina sira ne’e nia ke’e iha sira nia toos rasik, dosi bolus ne’e nia sabor nebé diferente, nia la hetan osan ruma, maibé nia hakarak halo ida ne’e hodi ajuda deit família uma laran.

“Ha’u gosta ko’alia ho ema hotu-hotu, ha’u moris mai, sempre halo buat ne’ebé ha’u gosta no ha’u nia família sira mós apoiu ha’u, iha ami nia bairu, wainhira iha acara ruma mak ha’u laiha ne’e, família sira sempre buka hau hodi partisípa, ha’u la konsegue eskola hotu tanba iha momentu ne’eba ha’u haré avó feto, no ha’u ho avó feto hela mesak iha Atsabe, apa ho família sira hotu mai hela iha Fatuquero, iha Railaku, entaun hakarak ka lakohi, ha’u tenke para eskola hodi haré ha’u nia avó feto, ha’u para eskola wainhira ha’u sei iha ensinu pre-sekundária,” nia esplika.

Nia esplika liu tan, maske nia gosta halo servisu ka atividade feto nian maibé nia nunka hetan deskriminasaun husi família sira. Tanba nia nu’udar mane bo’ot, ne’ebé sira respeita lo”os no iha sosiedade mós la halo diskriminasaun ba nia. Bainhira iha festa ruma, ema barak gosta nia prezensa no nia gosta ajuda ema iha atividade sira hotu.

“Kuandu iha festa ruma, ema sempre gosta ha’u nia prezensa tanba ha’u ne’e mama dor, songe ten, no ha’u liga ema hotu, iha festa ruma ema sempre konvida ha’u ba tein no master of cerimony (MC), ha’u iha kolega Lesbian, Gay, Bisexual, Transjender(LGBT) ida ne’ebé mak sempre MC iha eventu ka serimonia sira, maibé se iha eventu ida nia mak MC entaun ha’u ba tein,” Tenik nia

Nia konta tuir, naran estimadu “Bunda” ne’e hasai husi nia Tia rasik tanba  nia ajuda fó partus ba nia Tia bainhira partus hela nia subrinho. “iha momentu ne’ebá, to’o ha’u nia komunidade tomak bolu ha’u ho naran ida ne’e, ema barak ne’ebé rona ida ne’e sira dúvida no sira hakarak hatene se los mak “Bunda”ne’e, no sira dehan katak “Bunda” ne mak mana ida mama dor no sempre iha dapur”.

Nia haktuir, Iha bairu laran, maluk sira tauk atu goza  ka bully, tanba nia sempre dehan ba sira katak maske ho kondisaun hanesan feto maibé nunka  halo at ba ema ida nem viola ema seluk nia direitu, maibé sempre ajuda  família sira, ho hahalok sira ne’e, dala ruma halo mane balun gosta fali.

“Ha’u iha doben mane ida, maibé ha’u seidauk iha mehi atu forma família ho nia,  Dala ruma ami nia kolega sira mai husi fatin seluk dehan nune “Bunda, ami sira ne moris tuir mane lolos, tanba sá maka o moris fali hanesan ne’e? O sulan los ne’e? ha’u hatán ba sira katak moris ne’e ema ida-idak nian, importante ita tenke respeita malu, suporta malu, atu moris hanusa, hatais hanusa ne’e ema ida-idak nian, ha’u gosta liu hatais kalsa luan, wainhira ba festa sira sempre bolu ha’u atu ba dansa pembukaan ho mane sira, ha’u prontu de’it,” nia hateten.

Nune’e mós “Bunda” rasik envolve iha grupu suku roupa nian, hanesan hena meza, pontu cruz no despiadu. “Ha’u envolve iha grupu suku nian, foin hari’i iha fulan ida ne’e, ami suku hena hanesan hena meza, pontu cruz no despiadu, bele suku hanesan ne’e maibé ha’u la uza vestidu, iha ami nia grupu ne’e ami hetan osan ami tabung de’it, to’o osan barak, no ami nia membru ne’ebé mak presiza, bele foti osan, ema ida bele foti to’o $ 50 dólar se ema sosa hena ne hotu, entaun bele simu osan bo’ot itoan, ami nia grupu ne kompostu husi ema 12, ha’u ho kolega Ken ami LGBT hotu mak iha inisiativa atu hari’i depois nia ba tiha Díli, ha’u mak lidera, ami hari’i tiha mak ami envolve mós feto nain 11, ha’u iha inisiativa atu hari’i grupu ne no konta ho ajuda husi ami nia chefe suku, nia mai enkoraja ha’u no ajuda atu kria grupu ne’e, grupu ne’e naran Marua, ha’u hanesan xefe no ha’u kontrola de’it”.

Iha fatin hanesan Aman husi “Bunda” David Xavier Amaral, konta, nia oan mane ne’e nia mak mane primeiru iha uma, maibé h  husi kiik to’o bo’ot  nia hatudu ona hahalok hanesan feto husi ki’ik kedas. To’o agora nia alin sira forma hotu ona familia maibé nia rasik mak lakoi forma familia.

“Ha’u nia oan  “Bunda” desde sei ki’ik to’o nia tinan lima nia fu’uk  la tesi no nia hatudu hahalok hanesan feto husi kiik to’o bo’ot, nia iha alin mane nain rua  ne’ebé mak  forma ona  família, “Bunda” de’it mak seidauk iha hanoin atu  forma família tanba nia hakarak iha uma de’it ajuda  família iha uma laran hanesan tein, fase bikan, fase roupa ha’u nian, nia ama nian no nia alin feto sira nian,” Bunda nia aman konta tuir.

Aman husi “Bunda” hatutan tan katak, Babain vijiñu sira konvida nia ba foru meza, tein halo modo, no MC, nia mós envolve an iha grupu suku hena karik nia hetan osan ruma hodi nia ajuda fali nia alin mane sira nia oan nia la fó mai ami tanba ema selu nia osan ki’ik hanesan $20  dala ruma nia sosa mak sigaru ba nia apa.

Nu’udar aman David sempre suporta nia oan no husik nia oan livre hodi halo nia atividade no ajuda ema seluk, no sei hirus bainhira ema ruma bolu nia oan ho lia funa “panleru”, nia rasik la autoriza bunda atu forma família ho mane, tanba mane ba la halo servisu uma laran.

“Ha’u hanesan aman ida ha’u suporta de’it no husik nia livre hodi ba ajuda ema seluk ka halo nia servisu, ha’u la hirus nia, ha’u nafatin hadomi nia tanba “Bunda” mak oan mane bo’ot iha uma laran, iha ami nia jerasaun iha tempu uluk ha’u nia tiu ida mós halo nia hahalok hanesan feto entaun tiu ne’e la hola feto to ami halai ba ailaran iha tinan 1975 ema tiru mate nia, tanba ne’e ha’u rona ema ruma dehan ha’u nia oan panleru ne’e ha’u la gosta no hirus ema sira ne’e, karik iha futuru mak bunda hakarak forma família ne’e ha’u hatan maibé nia mak hola fali mane ne’e labele tanba mane ne’e mai la halo servisu uma laran karik nia hola feto ne’e di’ak liu tanba feto ne’e mai kaer servisu uma laran,” dehan David

Print Friendly, PDF & Email

LEAVE A REPLY

Please enter your comment!
Please enter your name here