Home Notisia RHTO Ermera Rekoñese Ema ho Defisiénsia Balun La Simu Apoiu Sosiál Tanba...

RHTO Ermera Rekoñese Ema ho Defisiénsia Balun La Simu Apoiu Sosiál Tanba Dokumentu Laiha

990
0
Responsavel Raes Hadomi Timor Oan (RHTO) iha Munisípiu Ermera, Joanico Pereira dos Santos, (Foto-David).

Reportajen David da Costa

Responsavel Raes Hadomi Timor Oan (RHTO) iha Munisípiu Ermera, Joanico Pereira dos Santos, rekoñese katak Ema ho Defisiensia barak iha Munisípiu Ermera seidauk bele hetan apoiu sosial husi estadu tanba problema dokumentu pessoal  ne’ebé maka seidauk kompletu, maibé iha defisénsia belun hetan ona apoiu husi Governu.

“Difisiensia ne’ebé mak eziste iha Munisípiu Ermera  balun hetan oan apoiu no balun seidauk, sira seidauk hetan apoiu ne’e, tanba balun hetan faillansu husi dukumentu sira hanesan kartaun eleitoral no sertidaun RDTL, husi dukumentus hirka ne’e mak prejudika ema ho difisiensia atu hetan sira nia diretu,” hateten Responsavel RHTO Joanico Pereira dos Santos ba Jornalista sira iha edifisiu Diresaun Nasional Kooperativa, Mikro no Pequena Empreza, Gleno, sexta 19/04.

Nia haktuir, maske nune’e RHTO nafatin halo koperasaun ne’ebé diak ho familia ema ho defisiénsia sira hodi halo tratamentu ne’ebé dignu ba ema ho difisiensia, atu nune’e sira  bele asesu ba diretu saida mak sira presiza hanesan kadera roda, ai-tonka.

Nia mos husu kooperasan husi familia EhD sira tanba prezensa RHTO hanesan dalan ida atu fasilita deit, maibé parte familia mak tenki asegura sira nia oan karik sira husu apoiu ruma kona-ba kadera roda ka ai-tonka hodi fasilita sira, RHTO prontu buka dalan, atu nune’e bele apoiu ba maluk defisénsia sira ne’ebé maka presiza tulun husi RHTO.

Nune’e mós RHTO iha Munisípiu Ermera sempre halo advokasia kona-ba ema ho defisiénsia nian ba autoridade Munisípiu, komunidade nomós eskola sira, atu nune’e partilla informasaun ba sira kona-ba oinsá hatene asuntu inkluzaun nomós asuntu ema ho difisiensia nian.

“Ami sempre halo advokasia ho inkluzaun difisiensia nomós asuntu ema ho difisiensia, husi  advokasia ne’e rasik laos deit ba ema ho difisiensia, maibé ba hotu-hotu, atu nune’e ema hotu bele hatene uza liafuan ba ema ho difisiensia ne’e ho dignu, karik bolu ema ho difisiensia ho liafuan ne’ebé mak ita sente orgullu,” Nia esplika.

Iha tinan 2019 to’o agora RHTO akompaña ona EhD 100 resin hodi trata dukumentu hanesan atestadu mediku, kartaun eleitoral, billete identidade, nomós sertidaun RDTL, atu nune’e sira bele asesu ba dukumentu ida ne’ebé komplementu.

Tuir  Sensus 2023 ba Munisípiu Ermera rejista Ema ho Defisiénsia hamutuk 4.421 ne’ebé ho nia tipu difisiensia hamutuk lima hanesan fizíku, matan, komunikasaun, mental nomós intelektual.

Entertantu Diretor Sentru Soldaridade Sosial Munisipiu Ermera, Vito Caio do Santos,  Hateten, Ema ho Defisiénsia  ne’ebé rejista ona MSSI Ermera hamutuk 2000 resin, maibé sei iha posbilidade ba sira seluk liu-liu iha area rural ka remotas atu bele mai rejista iha MSSI Munisípiu Ermera.

 “Agora ne’e ita rejista hamutuk ema 2000 resin mak ita hetan ona dadus, maibé la taka dalan ba maluk difisiente sira seluk ne’ebé hela iha area rural. Tanba ne’e ita nafatin halo sosializasaun ba iha postu administrativu sira iha Munisípiu to’o iha suku no aldeia para Autoridade komunitariu sira halo resensiamentu lista foun ba EhD iha Ermera inklui sira ne’ebé seidauk tama iha lista. Lliende subsidiu ne’ebé kada tinan MSSI prepara, iha mós programa apoiu sosial ba EhD no ema vulneravel sira tuir dadus ne’ebé ita rejista husi suku sira. Apoiu sosial sira mak hanesan nesesidade baziku fos, mina no seluk tan,” nia Esplika.

Iha OJE 2024, MSSI aloka $39.000 ba Sentru Solidaridade Sosial Munisípiu Ermera ne’ebé aloka ba area oin-oin hanesan administrasaun, rekursu humanu selu funsionariu no la inklui orsamentu kondisional ba iha idozu invalides sira.

“Orsamentu ne’e MSSI aloka mai iha sentru Solidaridade Sosial Munisípiu Ermera ne’e la supisiente, tanba ita laiha orsamentu espesifiku atu kobre ba iha problema sosiál sira ne’ebé akontese iha area rural,” Tenik nia.

Print Friendly, PDF & Email

LEAVE A REPLY

Please enter your comment!
Please enter your name here