Reportajen Francisco JDA
Uniaun Nasionál Eskuterio Timor-Leste (UNETL) ho voluntriamente fo psikososial ba labarik sira besik 115 ne’ebé afetadu ba indundasaun mak akontese iha loron 4 Abríl, nune’e Unicef koordena hamutuk ho Ministeriu Soliedariedade Sosial no Inkluzaun (MSSI), implementa hosi UNETL ho voluntariamente, hala’o atividade hanesan breathing exercise no observa labarik sira nia psikis, keta iha trauma ruma karik oinsá mak bele fo asistensia ba labarik sira, no atividade ne’e halao iha Tasi Tolu.
Tuir Comisario Internasionál Uniaun Nasionál Eskuterio Timor Leste, Filomena Barros informa ba Neon Metin katak atividade voluntario ne’ebé hala’o durante fulan ida ona, no dadaun ne’e labarik sira nia psikis konsege fila ba normál, nune’e atividade hotu ne’ebé realiza mak haruka labarik sira halo, dezenhu, tebe bola, dada tali, haksoit karon atu nune’e bele halo kontenti sira bainhira fila ba uma.
“Atividade ne’ebé ami halo oinsá mak labarik sira bele haksolok no halo sira nia kakutak kreativu, fresku atu nune’e sira nia psikis ne’e fila fali ba normal, tanba iha indundasaun no serka sanitaria. Fofoun ami mai labarik sira sei tauk no nakdedar, nune’e sira dezenho konaba bee tama uma no tur muron, maibé depois de semana ida ho balun ho sira, komesa nakloke no kontente liu ho jogu ne’ebé ami anima hamutuk ho sira,” hateten Comisario Internasionál Uniaun Eskuterio Nasionál Timor Leste, Filomena Barros iha Tasi Tolu, 24/05
Comisaria Internasionál ne’e reforsa tan, serbisu ne’ebé hala’o ne’e voluntariamente, tanba eskuteriu nia prinsipiu mak serbí nasaun liu hosi atividade voluntario sira. Atividade ne’e realiza tanba iha koordenasaun entre Unicef no Ministeriu Soliedariedade Sosial Inklusaun (MSSI) no implementa hosi UNETL.
Neon Metin mós koko ko’alia ho labarik Maria Visente Freitas, idade 9 eskola iha 12 de Outubro nia hatoo katak nia sente kontente tebes, tanba bele hasoru kolega barak halimar hamutuk hanesan Jogu kadeira, halai, kanta, haksoit hamutuk ho kolega sira.
