Home Justisa Observasaun Neon Metin Ba Kazu Topu Honis Iha TR Dili, Sei Kontinua...

Observasaun Neon Metin Ba Kazu Topu Honis Iha TR Dili, Sei Kontinua Iha Loron 10 Juñu

907
0
RD konversa ho jovem feto nain 2 iha TR. [Foto: Francisco JDA | 09.06.2021]

Reportajen Francisco JDA

Abuzu Sexual ka kazu pedofilia ne’ebé akontese iha orfanatu Topu Honis, ne’ebé rezulta vitima na’in 15 koalia sai ba Ministériu Públiku ho akontesimentu ne’ebé sira hasoru, bainhira sira sei idade minoridade.  Nune’e ohin loron prosesu julgamentu ba loron dahuluk 9 Juñu konsege hala’o liu hosi video conference, maski antes ne’e adia ona ba dala haat.

Neon Metin halo observasaun iha Tribunal Rekursu (TR) iha Dili, katak eis padre RD ne’ebé sai arguido partisipa iha julgamentu refere, hodi halo video conference ho Tribunal Distritál Oe-cusse.

Jornalista Neon Metin halo observasaun iha TR nota katak, julgamentu ne’ebé tuir lolos hala’o ih oras tuku 09:00 dader maibé adia ba oras tuku 14:50 lorokraik tanba iha fallansu tékniku.

Bainhira atu hahú julgamentu joven feto na’in tolu hakuak RD no tanis iha fatin liur antes RD tama iha fatin julgamentu, no julgamentu ne’e rasik remata iha oras tuku 18:30 kalan.

Neon Metin hare iha terenu katak durante prosesu julgamentu RD konsege sai hosi sala no fasilitadór video conferensia lori RD tama hikas ba sala julgamentu, hodi kontinua partisipa iha prosesu julgamentu to’o julgamentu remata, nune’e julgamentu sei kontinua ba loron 10 Juñu hahú tuku 09:00 dader.

julgamentu ba loron dahuluk ne’ebé hala’o iha Tribunal Rekursu  Dili, prezide hosi Juis koletivu Yudi Pamungkas, Hugo da Cruz Pui no Evangelino Belo. Prokurador Dr. Ambrosio . Ambrosio Rangel, Olivio Baros, no Dra. Hildegardis Wondeng nune’e hosi Ministériu Públiku, Dr.Matais Soares, nune’e advogadu RD akompaña hosi advogadu privadu Miguel Acacio Faria.

RD sai arguido ba kazu tolu mak hanesan pedofilia, violénsia doméstika no pornografia ne’ebe akontese iha orfanatu Topu Honis Oe-cusse

Print Friendly, PDF & Email

LEAVE A REPLY

Please enter your comment!
Please enter your name here