Home Notisia MAP Lansa Produtu Lokál Hodi Esporta Ba Indonesia Tailándia no Australia

MAP Lansa Produtu Lokál Hodi Esporta Ba Indonesia Tailándia no Australia

233
0
MAP lansa produtu lokal. [Foto: Francisco JDA | 15.06.2021]

Reportajen Francisco JDA

Ministériu Agrikultura Peska (MAP) liu hosi Diresaun Nasionál Kuarentena Bio seguransa hala’o lansamentu ba produtu lokál iha ambitu pandemia COVID-19, serbisu hamutuk ho kompañia nasionál no internasionál ho tema Promove no Hasae Produsaun ba Agrikultura Esportasaun

Iha lansamentu ne’e produtu lokál, ne’ebé empreza lokál sira sei hala’o esportasaun mak hanesan kami, kafé Arabika,  Robusta, Keiju, Maek Fini, Maek Matak,  Cengkeh no seluk tan, nune’e produtu lokál hirak ne’e sei transporta ba iha nasaun Indonézia, Tailándia no Austrália

Hafoun iha intervensaun hosi Diretór Empreza Lokál Proloca, Tji Vu Sing hatete katak produtu ne’ebé sei halo esportasaun husi empreza Proloca, totál esportasaun hamutuk 600 tonelada, no hosi empreza Esmelia totál 1300 tonelada, hosi empreza Great Castle 1400 tonelada, hosi empresa Tuli Star hamutuk 997 tonelada no hosi empreza Cooperativa Cafe Timor (CCT) hamutuk 2148 tonelada, Timor Global  200 tonelada no ACELDA, 40 tonelada.

“Ami husu ba governu liuliu Ministériu Agrikultura no Peska atu fasilita lalais ami nia atividade negosiasaun, tanba durante ne’e iha difikuldade ba administrasaun, maski iha ámbitu pandemia Covid-19, maibé ami kontinua  halo negosiasaun tanba hanesan timoroan ami iha kometimentu no vontade boot atu kontinua sosa produtu lokál ne’ebé ita nia povu agrikultura sira kuda, hodi prodúz iha terenu nune’e halo esportasaun tuir nesesidade merkadu internasionál, “ hateten Diretór Empresa Lokál Proloca Tji Vu Sing iha Colmera, Tais Market, 15 /06

Diretór Empreza ne’e husu Ministériu Agrikultura no Peskaa (MAP) atu nafatin enkoraja povu agrikultura sira ba promove no hasae produsaun ba produtu agrikultura hodi nune’e bele kompete iha merkadu internasionál

Iha Fatin hanesan Ministro Agrikultura Peska, Pedro Reis hatete katak iha fleksibilidade atu trata dokumentu maibé importante mak tuir regra, tanba Ministériu mesak sei halo aprosimasaun ho agrikultura sira, bele kuda buat hotu ne’ebé esporta, maibé sekarik la iha ema ne’ebé mak atu sosa ida ne’e mós difisil, tanba ne’e mak MAP hamutuk ho nia diresaun haat sei esforsu atu empreza, sira prienxe kritériu nune’e bele kuidadu no mantein nia kualidade ba esportasaun

Ambitu lansamentu ne’e MAP fahe mós sertifikadu ba imprensa sira, nu’udar meius ida atu fasilita sira ba esportasaun na’in, empreza sira ne’ebé simu ona sertifikadu mak hanesan Procola, Tuli Star, Timor Global, Ismenia, Mandarlin inklui mós kompañia sira seluk.

Print Friendly, PDF & Email

LEAVE A REPLY

Please enter your comment!
Please enter your name here