Home Meio Ambiente Loron Mundial Juventude, APFTL Ho Grupu Foinsa’e Sira Kuda Ai-Parapa 100 resin

Loron Mundial Juventude, APFTL Ho Grupu Foinsa’e Sira Kuda Ai-Parapa 100 resin

1255
0
APFTL ho grupu foinsa'e sira kuda ai-parapa. [Foto: Santina | 12.08.2021]

Reportajen Santina Lucia da Costa

Alumni Parlamentu Foinsa’e Timor-Leste (APFTL) hamutuk ho grupu Estudante UNTL, Juventude Hadomi Natureza, Jerasaun 12 de Novembru  halo atividade kuda Ai-parapa 100 resin iha Metinaro iha ambitu selebrasaun loron Mundial Juventude.

Hafoin kuda Ai-parapa, Prezidente APFTL, Zaulino Gomes da Silva hateten iha ámbitu selebrasaun loron mundiál Juventude, halo atividade ida mak kuda ai-parapa, atividade ida ne’e tinan kotuk mós  halo tiha ona,  agora kontinua halo,  kontribui oinsá atu konserva ita nia ai-parapa.

“Ohin ita kuda ai-parapa por vota 100 resin, no partisipasaun grupu joven lubuk ida, mai husi estudante UNTL, juventude Hadomi Natureza, Jerasaun 12 de Novembru, hamutuk ho APFTL. Halo atividade ida ne’e oinsa ita re-floresta fila-fali, tanba ne’e grupu joven ida husi APFTL sira nia inisiativa, organiza grupu lubuk ida mai hola parte kuda ai-parapa ne’e.” hateten Prezidente APFTL, Zaulino Gomes da Silva iha Metinaro, 12/8.

Prezidente APFTL haktuir maske governu liu husi Sekretáriu Estadu Juventude Desportu (SEJD) selebra loron mundiál juventude iha Munisipiu Manufahi,  maibé iha Dili joven sira tenki halo buat ida,  mak kuda ai-parapa.

Zaulino esplika  ai-parapa nia importansia liuliu iha tasi, oinsá ikan sira mai konserva iha okos,  sai fatin di’ak ida ba ikan sira, nune’e mos bele salva atu halo moos tasi,  ita soe lixu arbiru iha tasi ne’e, ai-parapa mos kontribui hamoos tasi,  bainhira laloran baku maka’as entaun bele salva hela no bele minimiza bainhira tasi sa’e.

Prezidente APFTL, realsa tan katak joven ne’e mai ho idéntiku ida kriatividade,  espasu saida mak ita iha joven hotu-hotu tenke hola papél, para dezenvolve ita nia-an,  partisipa ativa iha sosiedade oinsá atu tulun setór saida de’it mak ita hola parte, kontribui ba dezenvolvimentu no hanoin ona ita mak sai solusaun ba ita nia problema rasik.

Iha fatin hanesan Estudante Juventude Hadomi Natureza, Eliza Joana Gusmão hateten hanesan foinsa’e ida, nu’udar timoroan buat ne’ebé mak ita halo, liuliu ita haree ba ita nia ambiente katak,  agora daudaun ne’e ita nia rai Timor ne’e maiória problema mak kona-ba ambiente ninian.

“Kuidadu ambiente no koko buat ne’ebe agora daudaun ita halo,  hanesan APFTL konvida ami mai kuda ai-parapa hanesan oportunidade di’ak ida ba maluk foinsa’e sira seluk. Tanba agora iha haree ita nia mudansa klimátika maka’as tebe,s ho buat sira ne’e fó ezemplu di’ak ba foinsa’e sira atu nune’e sira bele halo tuir.”dehan Eliza Joana Gusmão.

Joven Eliza akresenta, Vantajen husi ai-parapa ne’e mak agora dadaun ho mudansa klimatika ne’ebé mak iha,  ita haree katak laloran tasi komesa boot lahanesan uluk ona,  no tasi ibun sira ne’ebé uluk furak agora laloran estraga hotu ona,  entaun ita presIja kuda-ai sira ne’e para bele prevene kosteira tasi ibun sira.

Nia dehan, Atividade kuda ai-oan no kuidadu ambiente ne’e la’os to’o iha ne’e de’it maibé ba futuru ita nafatin kontinua,  tanba liuhusi ida ne’e mak ita nia rai sai buras liu tan.

Eliza, apela, husu ba maluk joven sira,  ita nia rai ida ne’e hanesan ita nia inan ida ne’ebé mak lor-loron kous ita nune’e nu’udar foinsa’e ita koko kuidadu ita nia ambiente liuhusi kuda ai-horis, labele sunu ai-horis sira,  se ita ta’a-ai presija nesesidade lorloron nian,  ita bele kuda fila-fali,  no seluk maka hamenus uza plastik sira soe arbiru.

Print Friendly, PDF & Email

LEAVE A REPLY

Please enter your comment!
Please enter your name here