Reportajen Fransisco Colo
Meto Cup, FC. Lalisuk presta primeiru lugar, hafoin kontra FC.Bobometo iha jogu torneiu meto cap, ne’ebé realiza hodi kria lasu amizade entre komunidade Atoni oan iha Dili, no mós hodi komemora loron proklamasaun indenpendensia ba dala-46.
Prezidente Komisaun Organizadora Meto Cup, Jecafriado Afulit Coa hatete, torneiu ne’e nu’udar parte importante hodi hametin unidade no amizade ba komunidade Atoni oan iha Dili ao mesmu hodi komemora loron importante ba proklamasaun indenpendensia.
“Jogu ida ne’e ho objektivu atu hametin lasu amizade entre atoni oan sira iha dili atu bele hakuak metin unidade nasionál, tanba ne’e mak movimentu atoni oan iha dili ho sentimetu nasionalismu no patriotismu hodi komemora loron historiku tanba loron ida ne’e loron importante ba timor oan hotu,” Dehan prezidente Komisaun organizadora Jecafirado iha kampung baru,Dili. Domingo 28/11.
Nia mós hatutan tan komemora torneiu Atoni cap sei kontinua iha tinan oin, no sei halo boot liu tan ida ne’e, no integra nafatin ba suku 18. Atividade ne’e apoiu sasan sira ne’e husi lider karismatiku Xanana Gusmão, no husi Gabinete Prezidente Autoridade RAEOA, Kooperativa kreditu Binatu Bitimo, Federasaun Futeból Timor-Leste (FFTL), no ikus liu apoiu mos husi Sentru Talentu Jornalismu (STJ). Husi totál orsamentu ba atividade refere hamutuk $4000
Iha fatin hanesan treinador FC. Lalisuk, Rui Florindo Talu hateten sente kontente tanba sai Vitoria ba meto cup maske durante ne’e enfrenta difikuldade oioin,
“Ha’u sente kontente tanba foin primeira vez meto cup realiza eventu ida ne’e, no ami mak sai Vitoria. No Durante ne’e ami mós hasoru obstaklu barak tanba jogador mai husi estudante maibé ami tenta nafatin hodi treinu i ikus liu ami hetan Vitoria.” dehan Rui
Nia afirma ikus agradese ba ami nia suku no komunidade engerál iha Oe-cusse no Dili ne’ebé fo ona responsabilidade morál no financeiru oitoan.
“Ba ha’u piala ne’e la importante vitoria ne’e mak importante no valor ba ha’u” dehan nia.
