Home Notisia Loron Mundial Anti Korrupsaun, KAK Husu Labele Hamosu Pratika Ba Korrupsaun

Loron Mundial Anti Korrupsaun, KAK Husu Labele Hamosu Pratika Ba Korrupsaun

260
0
Komisáriu CAC, Sergio de Jesus Fernandes da Costa Hornai. [Foto: Bernarda | 09.12.2021]

Reportajen Bernarda da Costa

Komisaun Anti Korrupsaun (CAC) komemora loron mundiál ho tema O nia Direitu, O nia Papél Dehan Lae ba Korrupsaun”, atu konxiensializa ajente prinsipál traballadór estadu nian no sidadaun tomak hodi bele halo reflesaun.

Komisáriu CAC, Sergio de Jesus Fernandes da Costa Hornai hateten iha atividade lubuk ne’ebé mak Komisaun Anti Korrupsaun halo (CAC) hanesan semináriu, deziminasaun ba lei sira hodi garante serbisu diak, no servisu ho loloos iha nasaun ida ne’e.

“Ohin ita bo’ot sira akompaña diskursu sira hateten katak liafuan xave krime korrupsaun bele impede ita nia dezenvolvimentu no klauza ba iha ita nia fundus estadu nian, hanesan edukasaun, saúde no direitu vida sosiál nian” dehan Komisáriu CAC iha salaun CNE, Kinta 09/12.

Nia haktuir objetivu prinsipál ida maka oinsá atu halo konsolidasaun permanente, efetivu liu husi sosiedade tomak, no media nia papél importante tebes oinsá fahe informasaun sira ba komunidade katak labele iha korrupsaun.

“Iha diskursu balun ne’ebé ohin fo sai katak o iha direitu atu bele kaer responsabilidade sira, parlamentu ka órgaun estadu nian, maibé ita simu responsabilidade bo’ot ida husi povu no nasaun ida ne’e, para bele kaer hodi servisu ho responsabilidade labele hasees husi ita nia dever sira ne’ebe maka lei atribui ona ba ita, atu nune’e ita labele hamosu pratika sira ba korupsaun”, nia dehan.

Nia hatutan medida sira ne’ebé governu halo sempre iha hanoin ida ne’ebé atu hateten katak, imi nia direitu ami la intervein, maibé ita bo’ot sira nia obrigasaun halo buat hotu-hotu halo polítika estadu nian ho loloos, no iha finalidade atu atinje povu ninia objetivu  no bem estar .

Ikus liuu apresia ho sosiedade sivil tanba, bele halo papél ne’ebe estraordinária, halo atividade hotu oinsá maka bele marka ita nia prezensa iha perante sosiedade, hodi bele divulga no dezmina informasaun sira, para bele kombate kriminál ba korrupsaun sira.

Print Friendly, PDF & Email

LEAVE A REPLY

Please enter your comment!
Please enter your name here