Home Notisia UPJTL Mosu Haforsa AJTL ho TLPU, Xistu: Ami Hare AJTL ho TLPU...

UPJTL Mosu Haforsa AJTL ho TLPU, Xistu: Ami Hare AJTL ho TLPU Halo Advokasia Maibé La Sufisiente

387
0
Prezidente Komisaun Organizadora Instaladór UPJTL, Xisto Freitas Piedade. [Foto: Joselina | 17.12.2021]

Reportajen Joselina dos Santos

Grupu jornalista harii tan União da Profissão Jornalista de Timor-Leste (UPJTL) ho objetivu ida katak, atu haforsa Asosiasaun Jornalista Timor-Leste (AJTL) no Timor-Leste Press Union (TLPU), hodi bele fo advokasia ne’ebe mak di’ak liu tan ba jornalista sira iha futuru.

Prezidente Komisaun Organizadora Instaladór UPJTL, Xisto Freitas Piedade hateten organizasaun ida ne’e eziste la’os tanba sira nia hakarak rasik, maibé ne’e husi mandatu Konstituisaun Repúblika Demokrátika Timor-Leste (K-RDTL), artigu 43 ne’ebe  ko’alia kona-ba Liberdade Asosiasaun, ho  ida ne’e maka jornalista sira halibur ideia hamutuk, hodi harii asosiasaun União Professionál da Jornalista de Timor-Leste (UPJTL).

“UPJTL nia mai ho vizaun no misaun katak hakarak jornalista sira ne’ebe maka halo kobertura iha terenu ne’e dignu, tanba durante ne’e ita haree katak jornalista sempre sai alvu ba problema, tantu fontes no empregadores sira. Ho bu’at sira ne’e mak asosiasaun ne’e mosu hodi kompleta asosiasaun sira seluk ne’ebe mak eziste ona, atu  sai hanesan sentru advokasia ida ba jornalista sira,” Dehan Prezidente Komizasaun Organizadora UPJTL, Xisto F. Piedade ba jornalista sira iha Salaun MSSI Kaikoli, 17/21.

Nia dehan sira mak sai hanesan inisiadór ba asosiasaun ida ne’e, tanba sira iha inisiativa rasik no bazeia ba konstituisaun no mos haree ba dinámika, katak media barak entaun jornalista mos aumenta barak signifika iha avansu progresu jornalista sira.

“Entaun durante ne’e ami haree ba Asosiasaun AJTL ho TLPU esforsu maka’as hodi halo advokasia ba jornalista sira ne’ebe mak hasoru problema iha terenu, maibe la sufisiente tanba ne’e mak ami forma tan asosiasaun ida ne’e, hodi bele tulun asosiasaun seluk hodi bele kontribui di’ak liu tan Iha futuru,” Tenik Xisto.

Nia hatutan papel asosiasaun ne’e la’os advokasia de’it, maibe eleva mos jornalista sira nia kapasidade liu husi formasaun sira, tanba ne’e tenke halo iha rutiña kada trimestral, no semanal para kadi beik-beik jornalista sira nia koñesimentu iha sira àrea ida-idak nian.

Print Friendly, PDF & Email

LEAVE A REPLY

Please enter your comment!
Please enter your name here