Home Notisia Uma Kain 360 Iha Suku Vatuvou-Maubara Seidauk Asesu Eletrisidade Dezde Timor Ukun-an

Uma Kain 360 Iha Suku Vatuvou-Maubara Seidauk Asesu Eletrisidade Dezde Timor Ukun-an

356
0
lider komunitária suku Vatuvou, Gabriela da Costa Pereira Jerónimo. [Foto: Adroaldo | 28.12.2021]

Reportajen Adroaldo ‘Saretukau’

Populasaun aldeia haat iha suku Vatuvou, Postu administrativu Maubara, Munisípiu Liquisa  ho uma-kain 360 resin sedauk asesu eletrisidade dezde Timor ukun-an to’o ohin loron, nune’e komunidade sira sunu de’it ahi tradisional ne’ebé uza mina rai iha tempu kalan.

Problema hirak ne’e, lider komunitária suku Vatuvou, Gabriela da Costa Pereira Jerónimo hatete, problema ne’ebé ni-nia suku hasoru liu-liu iha aldeia iha parte foho nian, iha aldeia haat mak seidauk asesu ba eletrisidade

“Liu-liu sira ne’ebé mak aldeia iha rural nian ne’e, iha aldeia haat mak seidauk asesu eletrisidade, seidauk asesu eletrisidade desde ukun aan to’o agora, ami hato’o be-beik ona ba ita nia na’I ulun maibé ita haree fali ita nia rai COVID-19 halo ita la iha dezenvolvimetu, depois ita nia orsamentu aprova maibé seidauk implementa, dala ruma 2022 ou ba oin mak foin implementa karik”, hatete xefe suku Gabriela ba Neon Metin.

Nia hatete katak hato’o ona preokupasaun hirak ne’e ba iha governu maibé dala ruma governu iha prioridade aas liu iha fatin seluk duke suku Vatuvou rasik, tanba ne’e mak to’o oras ne’e nia komunidade sira seudak asesu ba eletrisidade.

“Foin da-dauk sira hosi enerjia renovável (panel solar) mai maibé sira hili aldeia ida de’it. Tinan rua kotuk ami hatama proposta ne’e, sira mai fo suku ida, sira mak determina, ne’ebé iha 2019 ne’e ami hetan 45 painel solar, ami fahe ba aldeia sia, kada aldeia hetan painel solar lima”, nia hatete ba Neon Metin foin lalais.

Gabriela hato’o, foin lalais ekipa painel solar nian identifika tan ni-nia komunidade aldeia ida ne’ebé sira kolabora direita ho xefe aldeia hodi halo mapa no identifika uma ka’in 20 ne’ebé dook estrada hodi bele hetan mos apoiu ida ne’e, maibé to’o oras ne’e programa ida ne’e sei paradu hela.

Nia informa, hosi aldeia haat refere iha uma ka’in hamutuk 360 resin mak oras ne’e la asesu ba eletrisidade, maibé nia hatete katak hosi aldeia haat ne’ebé lokaliza iha foho ne’ebé la asesu ba eletrisidade ne’e, sira mak uluk kontribui maka’as mos ba Timor nia luta liu hosi subar gerrilleru sira, “ukun aan mai ne’e ita nia primeiru governu to’o mai agora oitavu governu ne’e seidauk tau matan to’o iha ne’ebá”, lider suku Vatuvou ne’e hatete

Lider komunitáriu ne’e mos informa, oras ne’e komunidade sira uza mina rai no lampu ne’ebé sosa iha loja Xineza hodi sunu no haroman sira iha tempu kalan.

Suku Vatuvou rasik iha aldeia 10 ho nia uma-kain rihun 1264 no populasaun rihun 5647.

Print Friendly, PDF & Email

LEAVE A REPLY

Please enter your comment!
Please enter your name here