Reportajen Santina Lucia da Costa
“Labarik barak, hau isin hanesan ne’e tan, hau nia katuas oan ba suru tiha rai henek, hela hau mesak ho labarik sira, hau lalin tan bee, sente ba kolen, bee araska, ba lalin bee dook, hau hiit masa boot sira ne’e.” Apolonia
Uma kain hamutuk 48 kontinua hela iha centro evakuasaun tanba sira nia hela fatin hetan afeta makaas husi Siklone Serja iha loron 4 Abril.
Iha loron 7 Novembru Neon Metin halo observasaun besik iha centro evakuasaun iha suku Manleuna, postu administrativu Dom Aleixo, hodi hare kondisaun nebe akontese.
Neon Metin dadalia ho Xefe Koordenador Interal Displaced Peoples (IDPs) iha kampu Real Madrid Manleuna, Jose Abrao Tani, nia informa katak komunidade afetadu sira fulan haat ona la dun asesu bee moos no haris fatin mos aat hotu.
Nia dehan husi fulan Abril to’o Jullu, bee sai mai normal, tanke be enxe kada loron, maibe husi fulan Agusto to’o agora bee laiha no haris fatin rua mak aat ona, tornera 4 maka aat inklui tanke ida. Hariis fatin hamutuk 12 hetan apoiu husi NGO Nabilan no UNICEF
Iha Fatin hanesan komunidade afetadu inan isin rua, Apolonia da Costa hateten, hariis fatin mós ladun di’ak, bee la dun mai, husu ba viziñu sira ba kuru iha sira nia fatin mak lalin mai ba hariis fatin.
“Labarik barak, hau isin hanesan ne’e tan, hau nia katuas oan ba suru tiha rai henek, hela hau mesak ho labarik sira, hau lalin tan bee, sente ba kolen, bee araska, ba lalin bee dook, hau hiit masa boot sira ne’e.” hateten, Inan isin rua, Apolonia da Costa, ba Neon Metin, iha Kampu Real Madrid, Manleuna, Dili, 7/11.
Nia dehan governu oferese bee, maibé semana ida dala ida, depois loron ida mai enxe hotu kedas, hadau malu de’it. Hanesan inan isin rua presizaCe bee barak .
Tuir observasaun Neon Metin, Hariis fatin balun fo’er no balun aat, vitima inundasaun sira ba lalin bee iha komunidade balun nia uma, mak hodi ba hariis no balun hodi tein.
