Home Notisia Covid-19, Mosu Epidemika Dezinformasaun, ONU: Mai Ita Funu Hasoru Informasaun Falsu

Covid-19, Mosu Epidemika Dezinformasaun, ONU: Mai Ita Funu Hasoru Informasaun Falsu

1170
0
Sekretáriu Jeral ONU, Antornio Guterres. [Foto: Copyright Mina News | 16.04.2020]

Reportazen Zevonia Vieira

Sekretáriu Jeral ONU, Antornio Guterres fo sai iniasiativa foun Resposta Komunikasaun ONU nian atu divulga fatu no siênsia hodi kombate desinformasaun kona-ba COVID-19.

Bainhira mundu luta hela kontra pandemia mortal- COVID-19, krizi dezafiadora ida ne’ebé ita enfrenta dadaun, dezde Segunda Guerra Mundial, ita mos haree dadaun epidemia seluk “epidêmika- dezinformasaun” ne’ebé desformadu. Iha mundu tomak, ema tauk, sira hakarak hatene saida mak tenke halo no tenke ba ne’ebé no husu konsellu ba se. Ida ne’e momentu siênsia no solidariedade nian, maibe misinfo-demik global espalla dadaun.

Konsellu saúde prejudika no solusaun mina samea buras dadaun. Falsidade hakonu dadaun laloran no anin. Enkuantu teoria konspirasaun infeta dadaun internet. Ódiu sai viral, stigma no disfama ema no grupu. Mundu tenke unidu hasoru mos moras ida ne’e.

Vasina mak seguru. Uluk nanain fiar iha siênsia. Hau saúdu jornalista sira no sira seluk ne’ebé halo fact-check ba istória bosok lubuk ida no postagen iha rede sosiais. Empresa mídia sosial tenke hakaas liutan atu halakon ódiu no afirmasaun prejudika hirak kona-ba COVID-19.

Segundu, konfia iha institusaun sira bazeada iha governansa no lideransa responsif, responsável no bazeada iha evidênsia. No konfia malu.
Respeita malu no tane a’as direitus umanus tenke sai ita-nia mata dalan/kompas atu hasoru krizi ne’e.

Hamutuk, mai ita rejeita bosok no lia mamuk iha liur ne’eba. Ohin, hau anunsia inisiativa foun ida resposta komunikasaun ONU nian atu hakonu internet ho fatu no siênsia, hodi funu hasoru informasaun falsu sira- veneno ne’ebé prejudika ema barak liutan nia vida.

Ho razaun komun ba sensu komun no fatu, ita bele halakon COVID-19 no hari’i mundu ne’ebé saudavel liutan, justu no reziliente.

Print Friendly, PDF & Email

LEAVE A REPLY

Please enter your comment!
Please enter your name here