Home Notisia Data Eleisaun Prezidensiál Publika Ona Iha Jornál Repúblika

Data Eleisaun Prezidensiál Publika Ona Iha Jornál Repúblika

238
0
Eleisaun iha tinan 2017. [[Foto: Copyright Fundasaun Mahein | 15.01.2022]

Reportajen Santina Lucia da Costa

Prezidente Repúblika Dr. Francisco Guterres Lú Olo, liuhosi Dekretu númeru 2/2022, ne’ebé publika ohin 15 Janeiru 2022, iha Jornal Repúblika, marka ona data eleisaun prezidensiál nian hodi hili Prezidente Repúblika ba períodu 2022-2027, iha loron 19 Marsu 2022.

“Konstituisaun, liuhusi artigu 86, alínea c), fó kbiit ba Prezidente Repúblika marka data eleisaun prezidensiál no lejislativa.” Hateten, Prezidente Republika, Dr. Francisco Guterres Lú Olo, iha Komunika Imprensa ne’ebé Neon Metin asesu iha Palásiu Prezidensiál Nicolau Lobato, Bairu-Pitem, Díli, 15/1/2022.

Bazeia ba artigu 12, númeru 1, hosi Lei númeru 7/2006, 26 dezembru (Lei Eleitorál ba Prezidente Repúblika), ho alterasaun hirak ne’ebé mak halo ona ba Lei ne’e, molok Prezidente Repúblika dekreta data eleisaun prezidensiál, tenke rona uluk Governu no mós partidu polítiku sira ho asentu iha Parlamentu Nasionál.

 Karik rezultadu eleisaun ne’e hatudu katak la iha kandidatu ida mak konsege hetan 50%+1  (metade ho votu ida tan)  hosi númeru total  votus  válidus, iha  eleisaun  ne’e, ita sei tuir fali eleisaun daruak.  Tuir artigu 12, númeru 2, hosi Lei Eleitorál ba Prezidente Repúblika, eleisaun daruak sei halo iha loron tolu-nulu, sura hosi loron eleisaun dahuluk. Ba eleisaun daruak ne’e, sei la presiza ona iha tan dekretu prezidensiál ba markasaun data eleisaun daruak nian.

Ba eleisaun ida ne’e, Prezidente Repúblika rona ona Governu, partidu polítiku hothotu ho asentu iha Parlamentu Nasionál, Komisaun Nasionál Eleisaun(sigla iha lian-portugés CNE) no Sekretariadu Tékniku Administrasaun Eleitorál (STAE).

Print Friendly, PDF & Email

LEAVE A REPLY

Please enter your comment!
Please enter your name here