Home Notisia Governu Aprova Regulamentu Ba Fundu Kombatentes Libertasaun Nasionál

Governu Aprova Regulamentu Ba Fundu Kombatentes Libertasaun Nasionál

276
0
Enkontru Konsellu Ministru. [Foto: Media Prezidente KM | 01.09.2021]

Reportajen David da Costa Gusmao

Governu liuhosi reuniaun Konsellu-Ministru ohin  aprova ona projetu Dekretu-Lei ne’ebé aprezenta husi Primeiru-Ministru, Taur Matan Ruak, kona-ba regulamentu ba Fundu Kombatentes Libertasaun Nasionál.

Prota Voz Governu, Ministru Prezidénsia Konsellu Ministru, Fidelis Manuel Leite Magalhães  dehan, Diploma ida-ne’e regulamenta Fundu Kombatente Libertasaun Nasionál no estabelese modelu investimentu osan fundu nian, objetivu atu hetan rendimentu no atu asegura ninia permanénsia.

“Fundu ida-ne’e, sei iha dotasaun inisiál US$ 1.000.000.000,00 (dolar amerikanu billaun ida) sei sai hanesan fundu autónomu no iha autonomia administrativa, finanseira no patrimoniál,”  hateten Ministru Prezidénsia Konsellu Ministru, Fidelis Manuel Leite Magalhães   iha Palásiu Governu, Tersa  17/05.

Nia haktuir objetivu husi fundu ne’e mak atu finasia programa apoiu sira ba Kombatentes Libertasaun Nasionál, liuliu iha área apoiu sosiál, edukasaun, saúde, empregu, asesu ba kréditu no atividade ne’ebé hetan rendimentu.

Nune’e mós fundu ne’e sai mós responsavel husi pagamentu prestasaun pekuniária únika ne’ebé prevee iha Estatutu Kombatente Libertasaun Nasionál.

Print Friendly, PDF & Email

LEAVE A REPLY

Please enter your comment!
Please enter your name here