Home Notisia PATIFOR Prontu Hamutuk Ho CNRT Lori Ramos Horta Ba Prezidente Repúblika 2022-2027

PATIFOR Prontu Hamutuk Ho CNRT Lori Ramos Horta Ba Prezidente Repúblika 2022-2027

1167
0
Konferensia nasional partidu CNRT. [Foto: Adro | 24.01.2022]

Reportajen Adroaldo ‘Saretukau’

Prezidente PATIFOR, Gregorio Saldanha liu hosi konferénsia nasionál iha Salaun Mahoka, fo parabéns ba Congresso Nacional de Reconstrução de Timor-Leste (CNRT), tanba fo apoiu ba Ramos Horta ba eleisaun prezidensiál tinan 2022-2027.

Iha nia intervensaun Prezidente 12 Novembru hanesan mos Prezidente partidu PATIFOR, Gregorio Saldanha ‘Mouris’ fo parabéns ba Ramos Horta ne’ebé hetan fiar atu hala’o misaun todan ida tan hodi lori Timor ba oin. Nia dehan maske nia partidu seidauk iha legalidade maibé nia prontu apoiu Ramos Horta no Xanana.

“Primeiru ita prontu luta hamutuk lori Dr. Ramos Horta ba tuur iha Ai-tarak Laran. Segundu ami sei luta nafatin hodi tuur iha Parlamentu Nasional, atu nune’e apoia polítika CNRT hodi lori mudansas ba ita nia rain. Ami konsinete tuir partidu nia sigla, partidu nia naran, partidu Timor Forte, Timor forte presiza unidade, presiza forsa boot ida atu halo mudansas, iha momentu ne’ebé ami enfrenta forsa boot seluk, ami presiza forsa boot ida fali bele hamutuk ho ami hanesan aliadu, ita luta ba halo mudansas, halo koresoens ne’ebé mak ita presiza ba Timor-Leste no povu nia di’ak,” hatete Prezidente PATIFOR Gregorio, iha konferénsia nasional CNRT, iha Salaun Mahoka, 23/01.

Nia hatutan prontu servisu hamutuk hodi lori Dr. Ramos Horta ba tuur iha Ai-tarak Laran no ba partidu CNRT iha eleisaun parlamentar, ne’ebé sei hala’o iha tinan 2023 mai.

Iha fatin hanesan Xanana haksolok ho prezensa PATIFOR nian hodi servisu hamutuk Atu lori Timor ba oin. Prezidente partidu CNRT ne’e mos husu atu PATIFOR mosu ne’e tenki iha programa partidu nian ne’ebé klaru hodi servisu hamutuk ho di’ak ba Timor nia futuru.

“Mais ita agora hamutuk iha buat ida de’it, fo apoiu ba ita nia kandidatu (Ramos Horta)”, hatete Xanana, iha Salaun Mahoka.

Print Friendly, PDF & Email

LEAVE A REPLY

Please enter your comment!
Please enter your name here