Reportajen David da Costa Gusmao
Tuir dados ne’ebe mak relata husi Ministeriu Saude (MS) iha loron 7 Fevereiru tinan 2022, ne’ebe Neon Metin asesu katak MS kontinua rejista kazu dengue totál 1705, no labarik mate ba iha dengue hamutuk 28 ona.
Situasaun kazu Dengue Iha Timor-Leste, iha loron 7 Fevereiru 2022 kazu dengue hamutuk 1705 no kumulativo obitos nain 28 Maioria kazu ne’e deteta husi Munisípiu Dili ho total 1117 kazu, Manatuto ho kazu 120, Ermera ho kazu 77, Baucau ho kazu 78, Manufahi kazu 70, Covalima ho kazu 63, Liquica kazu 32, Bobonaro ho kazu 26, Viqueque 28, Lautem ho kazu 35, Aileu ho kazu 33, Ainaro ho kazu 23 no RAEOA ho kazu 3.
Em jeral kazu Dengue espalla ona iha territóriu Timor-Leste laran tomak,” dehan iha komunikadu imprensa ne’ebe neon metin asesu husi Ministériu Saude (MS) iha loron Tersa 8/02.
Municipiu Dili nafatin rejistu kazu ne’ebe a’as iha Primeira semana – sétima semana fulan Fevereiru 2022, ho total 1117 kazu. Hare ba kada loron kazu aumenta bebeik husi Dili.
Idade Mais afektado mak husi idade menus husi 14 anos mai kraik ho grupu edade 5-14 ho 41,9% no edade 1- 4 ho persentagem 36,6%. Ho ida ne’e Attack Rate (AR) idade 1-14 anos a nivel Nacional ho 0.30%,” esplika iha komunikadu.
Iha komunikadu imprensa ne’e haktuir Posto Administrativu Dom Aleixo relata kazu a’as liu husi Posto administrativos hotu ho total 592 kazu iha primeira semana – Sétima semana fevereiro 2022, hafoin tuir husi Posto Aministrativo Cristo Rei 228 kazu, Nain-Feto 137 kazu no Vera-Cruz 127 kazu.Kazu obitos iha inicio tinan 2022 ate a data ho total 28 obitos ida ne’e representa Case Fatality Rate nivel nasional ho porsento 1,6%.
MS mos aprezenta situasaun kazu dengue Iha Munisípiu Dili to’o ohin loron relata ona kazu 1117 kazu no obitu nain 16. Tuir kalendario epidemiolojia Tinan 2022, iha primeira semana fulan Janeiro Tinan 2022 Munisípiu Dili relata total 38 kazu no iha semana Segundo fulan janeiro 2022 relata 158 kazu no iha Terceira semana relata ona 123 kazu no ohin quarta semana relata kazu ho total 243, iha quinta semana relata kazu ho total 281 no iha sexta semana relata kazu, total 246 no iha sétima semana relata kazu 25.
To’o ohin loron sétima semana fulan Fevereiru 2022 Posto administrativo Dom Alexo relatakazu total 592, hafoin Posto Administrativo Cristo Rei ho 228 kazu. no tuir kedan posto administrativo Nain Feto 137 kazu no Vera-Cruz ho total 127 kazu, ne’e hatudu katak kada dia kazu espalha nafatin ba iha posto administrativo sira seluk.
“Iha Munisipiu Dili idade Mais afektado mak husi idade menus husi 14 anos mai kraik ho grupu edade 5-14 ho total 480 kazu no idade 1-4 ho total 458 kazu. Ho ida ne’e Attack Rate (AR) idade 1-14 anos Municipio Dili ho 0.87%,” tenik iha komunikadu.
Entertantun Distribuisaun kazu dengue tuir klasifikasaun mak Dengue Fever (DF) ho total 963 kazu, Dengue Hemorrhagic Fever (DHF) ho total kazu 74 no Dengue Shock Syndrome (DSS) ho total kazu 80.
