Reportajen David da Costa Gusmao
Ministériu Saude (MS) iha loron 8 Fevereiru 2022, ne’ebe Neon Metin asesu katak, MS kontinua rejista kazu dengue iha Timor-Leste totál 1799 no labarik mate tanba dengue hamutuk 29 ona.
“Situasaun kazu Dengue Iha Timor-Leste ohin loron dia 08 de Fevereiro de 2022 kazu dengue hamutuk 1799 no kumulativo obitos nain 29 Maioria kazu ne’e deteta husi Dili ho total 1181 kazu, Manatuto ho kazu 120, Baucau ho kazu 82, Ermera ho kazu 77, Manufahi kazu 75, Covalima ho kazu 63, Liquica kazu 40, Lautem ho kazu 39, Viqueque 30, Aileu ho kazu 37, Bobonaro ho kazu 28, Ainaro ho kazu 24 no RAEOA ho kazu 3. Em geral kazu Dengue espalha ona iha territorio Timor Leste laran tomak,” dehan iha komunikadu imprensa ne’ebe neon metin asesu husi Ministériu Saude (MS) iha loron Tersa 9/02.
“Municipio Dili nafatin rejistu kazu ne’ebe aas iha Primeira semana – Sétima Semana fulan Fevereiro 2022, ho total 1181 kazu. Hare ba kada loron kazu aumenta bebeik husi Municipio Dili. Idade mais afetadu mak husi idade menus husi 14 anos mai kraik ho grupu edade 5 -14 ho porsento 41,8% no edade 1-4 ho 36,7%. Ho ida nee Attack Rate (AR) idade 1-14 anos a nivel Nacional ho 0.31%,” hateten iha komunikadu ne’e.
Posto Administrativu Dom Aleixo relata kazu aas liu husi Posto administrativos hotu ho total 630 kazu iha primeira semana-Sétima semana fevereiro 2022, hafoin tuir husi Posto Aministrativo Cristo Rei 239 kazu, Nain-Feto 144 kazu no Vera-Cruz 133 kazu. Kazu obitos iha inicio tinan 2022 ate a data ho total 29 obitos ida ne’e reprezenta Case Fatality Rate nivel nasional ho 1,6%.
“Situasaun kazu dengue Iha Municipio Dili to’o ohin loron relata ona kazu 1181 kazu no obito nain 16. Tuir kalendariu epidemiolojia Tinan 2022, iha primeira semana fulan janeiro Tinan 2022 Municipio Dili relata total 38 kazu no iha semana Segundo fulan janeiro 2022 relata 158 kazu no iha Terceira semana relata ona 123 kazu no ohin quarta semana relata kazu ho total 243, iha quinta semana relata kazu ho total 281 no iha sexta semana relata kazu, total 254 no iha sétima semana relata kazu 81,” iha komunikadu ne’e explika.
Distribuisaun kazu dengue tuir klasifikasaun mak Dengue Fever (DF) ho total 1010 kazu, Dengue Hemorrhagic Fever (DHF) ho total kazu 91 no Dengue Shock Syndrome (DSS) ho total kazu 80.
