Home Notisia BTL, E.P Asina Akordu Ho Kompañia 2 Hodi Fornese Bee Moos Ba...

BTL, E.P Asina Akordu Ho Kompañia 2 Hodi Fornese Bee Moos Ba Komunidade Suku Mehara

867
0
Bee Timor-Leste Empreza Públika (BTL, E.P.) Servisu hamutuk ho kompara Fuente de Exito no TV Acelda Unip Lda. [Foto: Joselina | 17.02.2022]

Reportajen Joselina dos Santos

Bee Timor-Leste Empreza Públika (BTL, E.P.) Servisu hamutuk ho kompara Fuente de  Exito no  TV Acelda Unip Lda, asina kontratu ho orsamentu $347 mill ba  projetu melloramentu sistema fornesimentu bee moos, ba komunidade uma 450 suku Mehara, munisípiu Lautem ne’ebe to’o ohin loron seidauk asesu ba bee moos.

Hafoin lansamentu Prezidente Bee Timor-Leste, Empreza Públiku (BTL,E.P), Carlos Peloi dos Reis hateten BTL,E.P ho kompañia Fuente Exito TV Acelda Unip Lda, asina kontratu ida, atu bele halo sistema bee moos iha Suku Mehara Munisipiu Lautem. Tanba iha suku Mehara populasaun kuaze 2.000 resin  no hamutuk uma kain 450 mak  durante ne’e seidauk asesu ba bee moos.

“Tinan kotuk ami halo levantamentu dadus, konsege halo hotu dezenvolvimentu, ohin ita konsege asina kontratu ho parseiru sira, atu sira bele tun hodi halo serbisu iha tempu badak nia laran,” dehan Prezidente BTL,E.P Carlos Peloi dos Reis hafoin remata lansamentu ba Jornalista sira iha edifisiu BTL,E.P Caicoli, 17/02.

Nia dehan iha Timor laran komunidade hamutuk uma kain hira mak asesu bee moos ne’e seidauk  hatene, tanba dadus ne’ebe mai husi 2015 nian, tuir sensu 2015 nian, komunidade foin 78% mak asesu maibe restu ne’e seidauk asesu ba bee moos. Maibe depois  ita haree komunidade iha fatin barak mak halerik ba bee moos entaun ida ne’e hanesan indikasaun ida ba ita katak maioria ita nia komunidade asesu ba bee.

Iha Fatin hanesan, Diretór Kompañia Fuente de Exito,  Angelo da Silva  haktuir asina kontratu ne’e ba projetu melloramentu sistema fornesimentu bee moos ba komunidade suku  Mehara, ne’e duni ohin iha kontratu ne’e orienta atu ezekuta obra ida ne’e to’o fulan 6.

“Ami husi kompañia rua Fuente de  Exito no TV Acelda Unip Lda, prontu atu ezekuta tuir orientasaun ne’ebe mai husi BTL,E.P,” dehan Direitor Kompaña Fuente Exito.

Print Friendly, PDF & Email

LEAVE A REPLY

Please enter your comment!
Please enter your name here