Reportajen Joselina dos Santos
Kandidatu Prezidente Repúblika, Isabel da Costa Ferreira ho Sorteiu No. 1 hakarak kandidata-an ba Prezidente Repúblika iha eleisaun Prezidensiál Periode 2022-2027, tanba atu hametin independénsia hodi dezenvolve Timor-Leste tuir ema hotu nia hakarak pás, estabilidade no moris diak ba ema hotu, labele tauk povu ida iha kotuk, atu povu rasik tenke sai sujeitu ba iha prosesu ida ne’e.
Iha diskursu ne’e, kandidatu Isabel hateten kauza ekonomia sosiál ne’ebe konsentra iha nia atensaun ba tinan 5 ne’e ba familia, komunidade no nasaun. Ba Poezasaun uniaun dezenvolvimentu sustentavel, ba igualdade, inkluzaun no integrasaun ba konxiénsia partisipasaun no ativismu demokratiku, ba produtividade inovasaun no impredorismu.
“Iha prosimidade walu (8), ba sidadaun sira mak besik ba família, besik ba komunidade, besik ba ema mukit no besik ba ema kbiit laek, besik ba ema disfavorisidu besik ba labarik joven no besik ba grupu no organizasaun sosiedade sivil no besik mos ba ema ne’ebe lian laiha,” Dehan Kandidatu PR, Isabel ba Jornalista sira iha nia Diskursu, iha Casa Sidadania Kolmera, 25/02.
Nia dehan ezerse sidadania mak la’os de’it atu kumpre direitu, maibe mos devér sivíl no polítiku tanba ema hakarak dezenvolve devér sidadania ida ne’ebe konsiente, ativa no partisipativa, dever boa-governasaun devér poupansa jelu no konservasaun devér responsabilidade no transparénsia.
“Mai ita hamutuk iha mehi ida deit ba paz estabilidade no moris diak, ita hamutuk iha domin no asaun ita bele, ha’u hakarak sai Prezidente ida mais ativu proximu i besik povu atu hamutuk ho familia no povu hodi buka solusaun ba problema ne’ebe nasaun enfrenta,” tenik nia.
Nia hatutan dialogu entre jerasaun, hodi buka mos solusaun ba problema sira ne’ebe nasaun imfrenta, atu nune’e ema hotu bele sente katak timor ema hotu nia labele pasivu maibe tenke aktivu atu buka solusaun ba problema nasaun nian, labele depende deit ba lider do estadu maibe sidadaun tenke sai sidadaun aktivu no partisipativu.
Isabel husu ba povu labele hein no labele depende deit ba lider sira, povu tenke ativu hanesan uluk luta ba ukun rasik-an, keta haluha loron 19 Marsu 2022 hotu-hotu ba tuir eleisaun, vota ho konxiénsia atu hodi dezenvolve Timor-Leste.
