Home Notisia Lista Membru Governu Foun 19 Iha Ona Gabinete Prezidente da Republika, Hein...

Lista Membru Governu Foun 19 Iha Ona Gabinete Prezidente da Republika, Hein Kalendariu Hosi PR

450
0
Primeiru Ministru Taur Matan Ruak. [Foto: Santina Lucia da Costa | 15.06.2020]

Reportazen Santina Lucia da Costa

Primeiru Ministru, Taur Matan Ruak  entrega ona lista membru governu foun nain 19, hodi hetan tomada de pose daruak nian,  ba gabinete Prezidente da Republika, hodi hein marka kalendariu serimonia tomada de pose.

“Lista membru governu foun sira, iha ona gabinete Prezidente Republika nian no oras ne’e ita hein de’it, atu marka loron ba serimonia pose. Dadaun ne’e lista ne’ebe  mak ami hatama ba gabinete Prezidente da Republika iha na’in 19”, hateten, Primeiru Ministru, Taur Matan Ruak ba jornalista sira hafoin enkontru semanal ho Prezidente da Repulika iha Palasiu Prezidensia, Nicolau Lobato, Bairu-Pite, loron, 15/6.

Iha biban hanesan, jornalista sira konfirma ho Xefe Casa Sivil Prezidensia da Republika, Francisco Maria Vasconcelos, konaba lista ne’ebe Primeiru Ministru aprezenta ona, Xefe Casa Sivil rekoñese lista membru governu foun na’in 19 tama ona iha gabinete Prezidente da Republika, maibe Xefe Casa Sivil seidauk bele informa tanba Prezidente da Republika seidauk disidi.

“Lista iha ona Gabinete maibe, hau seidauk bele koalia tanba Prezidente Republika seidauk disidi, bainhira Prezidente Republika disidi mak hau foin bele koalia.” hateten Xefe Casa Sivil,  Francisco Maria Vasconcelos.

LEAVE A REPLY

Please enter your comment!
Please enter your name here