Reportajen Silvino Freitas
Komandu PNTL Munisipiu Dili hamutuk seksaun investigasaun kriminal sub seksaun Unidade Pesoal Vulneravel (VPU) kumpri mandadu husi tribunal rekursu hodi kaptura suspeitu sira ne’ebe deskonfia involve iha kazu violasaun seksual hasoru vitima minoridade ho inisiál FCL, mandadu ezekusaun ne’e ba suspeitu ida polisia kaptura iha area Bekusi, ida kaptura iha Bekora no nain rua seluk kaptura iha area Metiaut, detein ona iha sela detensaun komandu munisípiu Dili.
Komadante Kamandu Munisipiu Dili Suprentidente Xefi Orlando Gomes dehan, ohin kamandu munisípiu Dili liuhusi seksaun investigasaun kriminal sub seksaun VPU simu mandadu husi tribunal ba kazu violasaun seksual no devasa ne’ebe akontese iha tinan kotuk ne’ebe viral iha media sosial, nune’e komandu munisípiu Dili hetan apoiu husi diresaun investigasaun kriminal nasionál apoiu seksaun kriminal nasional nian hodi ezekuta mandadu tribunál nian.
“Ohin sira ezekuta ona kaptura suspeitu nain 4 lori mai iha investigasaun kriminal hodi aplika TIR no konstitui ba arguido iah oras tuku 2 loraik ne’e ita nia arguidu nain 4 ita detein ona sela detensaun komandu munisípiu Dili durante 72 oras hodi aprezenta ba tribunál” dehan komadante komandu Munisipiu Dili Suprentidente Xefe Orlando Gomes iha Komando munisípiu Dili, (23/01).
Nia dehan tan, suspeitu nain 4 ne’e mak identifika husi parte investigasaun kriminal nian nunee karik iha tan mandadu seluk mai komandu sei halo tan ezekusaun ba kazu refere, nune’e hafoin video abuzu seksual ne’e viral iha media sosial diresaun investigasaun kriminal foti asaun hodi buka vitima presta kedas deklarasaun hodi elabora kedas prosesu ba kazu refere.
Nune’e suspeitu hirak ne’e maka ho naran inisiál CON, JMPA, JGFP no GAAG ne’ebé deskonfia halo violasaun seksual hasoru feto minoridade inisiál FLC, ne’ebé halo iha tinan kotuk no viral iha média sosiál iha fulan janeiru tinan ne’e.
