Home Notisia CNE Fó Atensaun Ba Kandidatu no Ekipa Susesu Sira Atu La Involve...

CNE Fó Atensaun Ba Kandidatu no Ekipa Susesu Sira Atu La Involve Labarik Sira Iha Kampaña

378
0
Prezidente Komisaun Nasionál Elisoens (CNE), José António Belo. [Foto: David | 04.03.2022]

Reportajen Joselina dos Santos

Prezidente Komisaun Nasionál Eleisaun (CNE), Jose Belo husu Kandidatu Prezidente Republika sira atu labele envolve labarik minoridade sira durante kampaña politika.

“Ita hotu apresia ba  kampaña sira ne’ebe hala’o iha munisípiu  emjeral la’o ho di’ak, maibe iha mos kondisoens ruma ne’ebe presiza tenke rejista tanba sira involve  nafatin labarik menoridade iha kampaña nia laran,” dehan Prezidente CNE ba Jornalista sira iha Sala Media Center CNE Kolmera, 07/03.

Iha konferensia imprensa Prezidente CNE dehan mezmu ho razaun oi-oin maibe ema sente katak ida ne’e la’os observasaun CNE nia de’it, maibe sosiedade liu-liu observador internasionál mos halo observasaun.

“Ita hatene katak iha insidente balun durante kampaña iha Viqueque apoiante kandidatu nian fila ba sira nia fatin asidente iha parte Makadiki, rezulta ema nain rua kanek, maibe CNE liu husi Komisariu sira atua kedas hamutuk ho Polisia,” nia dehan.

Nia informa ema ne’ebe sai suspeitu iha ona  polisia nia liman, no investigasaun la’o hela, maibe sei haree motivu saida, tanba entre kandidatu sira  nia apoiante  mak tuda malu ou iha motivu seluk, depois investigasaun mak foin rona.

Nia dehan investigasaun ne’e la’o ita seidauk rezulta katak ida ne’ebe mak sai suspeitu no ida ne’ebe mak la’os suspeitu, tanba akontesimentu ne’e iha  rua, ida reasaun no ida asaun tanba ne’e presiza haree.

CNE husu ba kandidatu sira katak respeita nafatin asinatura paktu ne’ebe iha, no ritual ne’ebe mak halo iha munisípiu tomak, tanba ne’e tenke  utiliza linguajen  ne’ebe di’ak no ko’alia deit kona-ba papél kandidatu nian no uza mos linguajen ne’ebe hakalma sosiedade no leitor atu sira bele fo sira nia votu.

Print Friendly, PDF & Email

LEAVE A REPLY

Please enter your comment!
Please enter your name here