Home Notisia Konflitu Entre Militante FRETILIN ho KHUTNO, Fernando: Atua Tuir Lei Ne’ebe Vigora

Konflitu Entre Militante FRETILIN ho KHUTNO, Fernando: Atua Tuir Lei Ne’ebe Vigora

295
0
Reprezentante Ekipa Susesu Lu Olo. [Foto: David | 07.03.2022]

Reportajen David da Costa Gusmao

Relasiona ho problema entre militante Frente Revolusionariu Timor-Leste Indepeden (FRETILIN)  ho Klibur Haburas Unidade Nasionál Timoroan (KHUNTO) iha Baucau, ekipa susesu kandidatu Prezidente Repúblika, (PR) Francisco Guterres ‘Lú Olo,  Fernando Dias Gusmão ba jornalista hateten parte rua hetan hotu agregasaun, parte KHUNTO nian mós hetan, parte militante FRETILIN nian mós hetan, ne’ebé sira rua hetan ne’e hanesan de’it, ema ne’ebé halo krime iha lei, no autoridade polisia sira bele kaer lori ba halo investigasaun

“Ema indivu ne’ebé halo krime ita iha lei, ne’ebé maka ita nia autoridade polísia sira bele kaer, lori ba halo investigasaun tuir lei nian, tanba iha média parte rua hetan hotu agregasaun, parte KHUNTO nian mós hetan , parte militante FRETILIN nian mós hetan ne’ebé sira hanesan de’it”, dehan ekipa susesu kandidatu Lú Olo, Fernando Gusmão liuhusi konferénsia imprensa, iha Luz Clarita Segunda 7/03.

Fernando dehan maibe iha komunikasaun entre lider sira la’o nafatin, kapás tebes tanba ne’e husu ba militante, simpatizante, apointe sira hakmatek, tanba lideransa sira iha komunikasaun ne’ebé di’ak tanba Timoroan iha aliadu ida de’it, iha prosesu eleisaun prezidensiálál ne’e mak ema ida-idak mosu ho nia kandidatu.

“Ha’u-nia hanoin ema sira kanek ne’e tenke hetan tratamentu, segundu ita iha lei, implementasaun ne’e mak tenke rigor, se mk halo krimi nia maka tenke ba hatan, tanba ne’e la’ós orientasaun husi lideransa ka kandidatu, ka lider partidu”, deklara nia.

Nia mos apoiu ba militante, simpatizante, apoiante no juventude sira no povu tomak atu koidadu, tanba iha intensaun husi ema ne’ebé lakohi ita-nia nasaun moris iha estabilidade ne’ebé di’ak, sira hakarak sobu ita nia situasaun ne’ebé la’o kapás teb-tebes, ida ne’e maka tenke kuidadu ita la bele halo violénsia.Husik povu livre akompaña kandidatu sira e depois sira hili kandidatu ne’ebé di’ak liu tuir sira, la bele fó espasu ba tentasaun mós atu estraga plataforma governu VIII.

Nia hato’o mos ba autoridade Polísia Nasionál Timor-Leste (PNTL) atu halo kontrolu ba situasaun kampaña nian ho di’ak, no se wainhira hetan ema ruma, se de’it maka viola lei, viola orden públika, favor ida atua tuir lei ne’ebé maka vigora ona iha nasaun Timor-Leste.

“Atu ema sira ne’ebé hanoin la di’ak ne’e, la bele aproveta situasuan ne’e lori soran ita nia lider sira no soran mós  ita nia povu, ida ne’e maka kandidatu husi Francisco Guterres’Lú Olo’ nia mensazen para públiku tomak bele iha koñesimentu bele rona didi’ak, katak la iha orientasaun atu estraga situasaun”, dehan Fernando

Tanba Presidente Lú Olo nia sei Prezidente nasaun nian, nia sei kaer metin unidade nasionál, nia sei kaer metin funsionamentu órgaun estadu sira nian, tanba ne’e nia lakohi  rai Timor-Leste monu fali ba situasaun ne’ebé ema ho ema atu han malu, baku malu ne’e nia lakohi ida.

Print Friendly, PDF & Email

LEAVE A REPLY

Please enter your comment!
Please enter your name here