Reportajen Calisto dos Santos Oqui
Eleitór balun husi munisípiu Ermera, Bobonaru, Covalima, Manufahu inklui RAEOA la bele ezerse sira nia direit de votu tanba naran la rejistu iha sentru votasaun.
Komunidade Abril Sousa Amaral, husi Covalima hato’o sentimentu triste tanba labele partisipa iha eleisaun, lakon direitu
“Ami soe hela ami nia tempu hodi mai voita, maibe ikus sira konsidera ami nia direitu”, dehan Abril ba jornalista sira, 19/03.
Nia mos dehan ami husi munisípiu Ermera, Bobonaru, Covalima, Manufahi no RAEOA la tuir votasaun hamutuk 600 resin
“Momentu ne’ebá nai ulun sira fó sai katak ba foti deklarasaun iha Xefe Suku, depois ida ne’e ami konsege foti, maibe ikus mai ami naran laiha ida ne’e mak ami nudar timor-oan sente triste”, dehan Abril
Nia espresa katak “ami nia direitu lakon, ami husu ba nai ulun sira bele k lae atende netik ba ohin loron nian hodi tuir votasaun ne”, dehan Abril
nia mos husu tan sa iha estranjeiru hanesan Portugal, Englatera, Korea, Australia sira bele vota maibe iha Timor laran deit, ami la vota ida ne’e ami ezije, ami nia direitu.
Entretantu Prezidente da Meza INAF, Luis Mau Santos hateten katak sira ne’ebé mak la tuir vota, tamba komunidade sira la foti formulariu iha suku, no mós balun naran la kompletu,maibe ami bazeia ba lista ne’ebé maka ami simu husi Stae nasional.
“Prezidente da meza INAF Santos hatutan ami labele foti desizaun katak sira ne’ebé mak naran laiha bele vota,ami tenke rona husi Stae nasional,sira ne’ebé mak la vota ne’e kuije barak mak naran laih”, dehan Luis
Tuir komunidade Abril Sousa Amaral husi munisipiu Covalima hateten katak sira sente triste tebes tamba lakon ami nia Direitu, ami soe hela ami nia tempu hodi mai vota,maibe ikus mai sira lakonsidera ami nia Direitu.