Reportajen Francisco Colo
Kandidatu Milena Pires ho númeru sorteiu 7 espresa nia sentimentu kontente ho votu ne’e laos votu ba kandidatu, maibe ba feto Timor no joven espera sei manan, no feto sei lidera nasaun ne’e ba moris diak.
Ba jornalista sira Milena Pires hateten ohin loron laos votu deit ba kandidatu, maibe id ane’e votu ba feto Timor tomak, no mos votu ba joven Timor-Leste tomak.
Iha sentru votasaun eskola 5 de Maiu Comoro, nia afirma nu’udar kandidatu sempre iha esperansa hatene katak, programa ne’ebé ami hato’o monu ba ema nia laran importante ba feto ba joven sira, sente katak ami sei hetan votu husi grupu rua ne’e. Nu’udar kandidatu sempre tama iha korrida ida ne’e atu manan.
“Ha’u nia hanoin katak hotu-hotu iha ne’e atu ezerse sira nia dever siviku hare halo ho kontente halo ho orden I ha’u hakarak fo ha’u nia parabens ba CNE, STAE no observadór sira hotu naturalmente ba jornalista sira mós” dehan Milena.
Nia hatutan tan iha optimista katak tinan ida ne’e, ka tinan atu mai feto sei lidera nia nasaun ba povu nia moris diak no prontu simu rezultadu.
