Reportajen Santina Lucia da Costa
Iha loron eleisaun 19 Marsu Administradór Postu-Administrativu Venilale, Munisipiu Baucau, husu povu Venilale hili ema ne’ebé serve duni atu sai servidór ba povu iha rai Timor-Leste, no labele hanehan malu hatudu dalan ba povu liliu povu ne’ebé mak mukit iha baze.
Administradór Postu-Administrativu Venilale, Miguel Mendes Guterres, hateten, ohin loron importante ba ita Timor-Leste, ne’ebé hatudu festa demokrasia ne’ebé atu hili ita nia Prezidenti Republika ba Periodu 2022-2027, ita nia kandidatu Prezidente Republika na’in 16, kandidatu na’in 16 timor nia-oan.
Miguel husu ba povu Venilale kandidatu PR na’in 16 ema ne’ebé intelektuál, maibé hili ema ne’ebé serve duni atu sai servidór ba povu iha rai ida ne’e, durante sira halo kampaiña ita haree ba ninia programa, planu, ne’ebé sira hato’o ona, labele haree linguajen de’it, maibé haree mós hahalok implementa ne’ebé sira halo, sé ita hili sala mak hili sala povu nia futuru.
“Povu hili sai Prezidente Reublika la’os ba sira nia-an hili ba jerasaun foun, por-ezemplu ba oin karik labele hanehan malu maibé hili ema ne’ebé lideransa demokratiku nia ema, hatudu dalan ba povu liliu povu ne’ebé mak mukit iha baze ne’e.” dehan, Administradór Postu-Administrativu Venilale, Miguel Mendes Guterres, iha sentru votasaun Uato-Haco, Sabado,19/3.
Miguel Mendes Guterres ,ho esperansa katak, mudansa iha eleisaun ida ne’e atu hili los na’in ulun ne’ebé los no labele sentraliza iha nasional maibé hakbesik ba povu no benefisiu ba povu, labele ativiadade hotu-hotu iha nasional de’it, tenki mai bazé hodi nune’e povu kontenti netik.
Tuir Observasaun Neon Metin iha terrenu katak votante sira antosiazmu habesik-an ba sentru votasaun hodi ezerse sira nia direitu, No hetan seguransa masimu husi PNTL, Ofisial Polisia Suku (OPS) no Sekretariadu Tekniku Administrasaun Eleitoral (STAE), ho Komisaun Nasional Eleisaun (CNE).
