Home Notisia PM Relata Preparativus Ba Eleisaun Prezidensiál Segundu Volta ba PR

PM Relata Preparativus Ba Eleisaun Prezidensiál Segundu Volta ba PR

363
0
Primeiru Ministru Taur Matan Ruak. [Foto: Santy | 25.02.2022]

Reportajen Santina Lucia da Costa

Primeiru Ministru, Taur Matan Ruak relata preparasaun ba eleisaun Prezidensiál bainhira akontese  segundu volta ba Prezidente Repúblika, Dr. Francisco Guterres Lú Olo.

Hafoin enkontru Primeiru Ministru, Taur Matan Ruak hateten enkontru seminal ho Prezidente Republika, hodi koalia asuntu preparativus ba eleisaun segundu volta no esforsu ba Covid-19 oinsa mak kontinua halo kampaíña vasinasaun.

“ Ohin Enkontru semanal ho Prezidente Republika, Francisco Guterres Lú Olo ko’alia liu asuntu rua de’it, ida mak preparativu ba eleisaun segundu volta, rua, ita nia esforsu ba Covid-19 oinsa mak kontinua halo kampaiña vasinasaun.” Hateten, PM, Taur Matan Ruak ba Jornalista sira iha palasiu prezidensiál Nicolau Lobato, Bairo-Pite, 24/3.

Kona-ba iha area rural susar atu asesu ba estrada prejudika ba ekipa Komisaun NasionaL Eleisaun (CNE) ho Sekretariadu Tékniku Administrasaun Eleitorál (STAE) hodi fasilita lori urna ba sentru votasaun Xefe Governante, dehan, Ida ne’e governu haree esforsu saida maka bele halo hodi ajuda, liuliu fatin sira ne’ebé daudaun ne’e dezastre natural estraga ita nia estrada sira, para fasilita iha segundu volta.

Taur Matan Ruak, realsa tan katak, Preparativus sira ne’e husi CNE ho STAE halo makaas los, governu ninia apoiu mak halo nusa sira nia atividades bele la’o di’ak no mós reforsa seguransa iha sira nia atividades sira ne’e, nune’e labele problema iha dalan.

“Hanesan ita boot sira hatene eleisaun foin lalais ne’e difikuldades balun liuliu iha sentru votasaun paralelu sira ne’e, ami haree ida ne’e oinsa ajuda sira para sira ba iha sira nia fatin hodi nune’e partisipa iha festa demokrasia ne’e.” dehan, Taur.

Governu mós garante kona-ba orsamentu laiha problema, iha orsamentu hodi utiliza husi primeira volta no segundu volta.

Print Friendly, PDF & Email

LEAVE A REPLY

Please enter your comment!
Please enter your name here