Reportajen Umbelina dos Reis
Asosiasaun Halibur Defísiensia Matan Timor-Leste (AHDMTL), hetan vizita espesiál husi premiadu nobel ba paz, Dr. Jose Manuel Ramos Horta hodi fo apoiu ekipamentus ventuína kaixa rua, ba AHDMTL.
Ba jornalista sira Dr. Jose Ramos Horta hateten entrega ventuina tanba fulan rua kotuk, promote ona hodi lori ventuina, no sei oferese mos kama espesial, “ha’u tenke hare poitiku no, implementasaun governu nian tenke tane komunidade oan sira ne’ebé iha problema visual”.
Nia hatutan defísiensia iha Timor-leste laos defísiente kakutak maíbé sira matenek, iha difikuldade oi-oin, mak difikuldade la’o nian, maibe ida ne’e laos problema bo’ot ida ba sira, governu tenke tané sira oinsa kontribuí ba dezenvolvimentu Timor-Leste.
Horta dehan sekarík saí Prezidente Repúblika sei ko’alia maka’as liu kona ba agrikultura, seguransa alimentár, edukasaun saúde, ligadu ho joven apoiante estudante,s oínsa sira nia kondisaun no hela fatin, nia afirma.
“Sé ita hakarak juventude sira ne’ebé garantia futuru ba raí doben Timor-Leste,tenke iha saúde ne’ebé mak di’ak, bele estuda ne’e seguru di’ak liu tan, tanba joven barak mak hela iha fatin sena malu ho kondisaun la di’ak, laiha higene no fatin han hemu nian, entaun sei hare propoin ba governu hodi hari’i bairo ba universitariu sira, liu-liu joven sira ne’ebé mak mai husi munisipiu familia laiha” esplika Ramos Horta ba jornalísta sira iha fatin edifísiu Manleu AHDMTL.
Iha fatin hanesan Prezidente Board AHDMTL, Gilberta dos Santos Pereira dehan defísiensia matan halibur iha fatin ida ne’e, atu aprende ba sira nia futuru no moris ho indepedente, ema defísiensia laos tané liman ka fo kuitadu de’it.
“Ita hare intermus de pobreza, aspetu edukasaun saúde justisa, ema sira nee mak enkaisa ami defisiensia iha laran, dala ruma ema la hetan ami iha sociedade nia le’et, maibé labele hare ba ami nia fizikamenete ka mental skill, maibé hare ba ami nia kapasidade hodi bele dezemvolve ami nia an ba futuru iha raí doben timor-leste”, Gilberta hato’o ba jornalista sira iha edifisiu manleu AHDMTL.
Nia akresenta katak kandidatu prezidente repúblika hakat tan ona ba segundu ronda,eleisaun prezidensial nian, ami fiar katak nia sei manan iha segundu ronda i sai xefe estadu ba nasaun timor-leste bele lori paz no dame ba povu doben timor -leste “ami fiar katak mehi ida ne’e la saí mehi, maibé mehi ne’e sai realidade hodi bele lori lian kbi’it laek lian ema defísiensia sai matan sai tilun sai ibun ba parte relevate governu estadu bele lori ema defísiensia inkluzivu ho justu” dehan Gilberta dos santos.
