Home Saude 5 Abríl, MS Rejista kazu Dengue Foun 40, Mate nain 2...

5 Abríl, MS Rejista kazu Dengue Foun 40, Mate nain 2 no Obitu Sa’e Ba 50

156
0
Imajen ilustrasaun moras dengue. [Foto: Copyright Beriasatu.com | 28.04.2020]

Reportajen David da Costa Gusmao

Tuir dadus ne’ebé relata hosi Diresaun Nasionál Saúde Publila (DNSP) no Departamento Vijilansia Epidemiolojia Ministériu Saúde (MS) nian iha loron 5 Abril,  ne’ebe Neon Metin asesu katak ohin MS kontinua  rejista kazu dengue foun nain 40, no  mate nain 2 no totál  ema mate ba Dengue sae ba  50 no totál akumulativu  kazu dengue iha Timor-Leste sae ba 3,959.

“Situasaun kazu Dengue Iha Timor-Leste ohin loron 05 Abríl tinan ne’e, MS rejista kazu dengue Foun 40  ne’ebe relata iha loron ohin mai husi Municipio Dili, Lautem no Manufahi, no kazu dengue akumulativu hamutuk 3,959. No  obitu foun nain 2,  mate ne’e  1 hosi Munisipiu Dili no 1 hosi Munisipiu Baucau, no total obitu sa ba 50,” dehan iha komunikadu imprensa ne’ebé neon metin asesu iha loron Tersa 5/04.

Nune’e kazu dengue  maioria deteta hosi Munisípiu Dili ho total 2,636 no tuir tan maka Munisipiu Baucau ho kazu 251,  Manatuto ho kazu 172, Manufahi kazu 160, Lautem ho kazu 153, Covalima  ho kazu 126, Liquica kazu 109, Ermera ho kazu 107, Aileu ho kazu  87, Viqueque 64, Ainaro ho kazu 45, Bobonaro ho kazu 44, no  ikus maka Reijaun Administrativa Espesiál Oe-cusse Anbeno (RAEOA) ho kazu 5.

Iha komunikadu ne’e haktuir  em jerál kazu Dengue espalla ona iha territóriu Timor-Leste laran tomak. husi fulan Dezembru 2021 kazu komesa aumenta ho total 225, maibe iha Marsu 2021 kompara ho fulan Marsu 2022 kazu barak liu ho total 1199 kazu.

“Idade mais afetadu mak husi idade menus husi 14 anos mai kraik ho grupu idade 5-14 ho 42,5% no idade 1-4 ho  35,5%. Ho ida ne’e Attack Rate (AR) idade 1-14 anos a nivel Nasionál ho 0.7%,” esplika iha komunikadu ne’e.

No Distribuisaun kazu dengue tuir klasifikasaun mak Dengue Fever (DF) ho total 2197 kazu, Dengue Hemorrhagic Fever (DHF) ho total kazu 303 no Dengue Shock Syndrome (DSS) ho total kazu 136.

Print Friendly, PDF & Email

LEAVE A REPLY

Please enter your comment!
Please enter your name here