Home Notisia Horta: Sei Dezenvolve Negósiu Balisaun, no Kria Zona Produsaun Xá, Kafé, Ai-funan...

Horta: Sei Dezenvolve Negósiu Balisaun, no Kria Zona Produsaun Xá, Kafé, Ai-funan iha Laklubar

478
0
Kandidatu PR, Ramos Horta iha kampana dialogu. [foto: Copyright Ego Pereira | 05.04.2022]

Reportajen Adroaldo “Saretuka”

Iha kampaña diálogu ho komunidade sira iha Munisípiu Manatutu, kandidatu Prezidente Republika, Dr. Ramos Horta fo nia prioridade ba dezenvolvimentu ekonomia ho poténsia produtu, ne’ebé Manatutu iha hanesan produtu Balisaun, no kafé iha Postu Laclubar inklui atu dezenvolve mos Lacubar sai zona espesiál ida ba produsaun Xá, ai-fuan no kafé tanba área ne’ebé malirin no serve ba produsaun hirak ne’e.

Ba povu sira iha Mantutu, Ramos Horta hatete prioridade ne’ebé ita boot sira, Manatuto oan sira hakarak rona mak oinsá ha’u atu hadi’a negósiu Balisaun nian, tanba nia sente Balisaun ne’e di’ak duni. Diplomata senior ne’e konta nia istória wainhira nia sei iha Nova Yorke, nia hetan Balisaun ida iha loja hakerek Pasta de Kamaraun, nia loke horon no sente kontente los no nia promove ka te’in kedas ba namorada ida iha ne’ebá.

“Balisaun rasik bele sai produtu ida idustrializadu, komersializadu ho nível internasional, tanba ita hetan iha Nova Iorke, iha loja espesial agrikultura, sira iha fish taste (Balisaun), i grupu seluk tan (alein de Manatuto oan), Manatuto mak produz ou iha fatin hotu-hotu iha Timor-Leste,” hodi hasa’e ekonomia familiar nomos promove ita nia produtu rai laran, Horta dehan.

Eis Prezidete Repúblika ne’e mos hatete “Laclubar bele sai jona espesial ida ba produsaun Xá, ai-fuan i ai-funan. Ita haree kada rejiaun, saída mak di’ak liu bele aumenta kafé iha Laclubar, tanba ema balu iha Hong Kong, sira hakarak liu mak kafé Laclubar. Kafé Laclubar agora da-dauk fa’an ona iha restaurante sira iha Hong Kong ne’ebá,” informa Horta ba komunidade sira iha Manatuto liu hosi nia kampaña dahaat ho tipu diálogu, iha Salaun Parokial Manatuto Vila, tersa-feira, 05/04.

Ramos Horta hatete ba prioridade hirak ne’e nia sei kontaku ba governu no nu’uda prezidente ho nia kakutak, nia matenek no esperiénsia internasionál sira, sei kontaktu ba bisnis ka empreza sira iha mundu, iha Timor rasik ho Timoroan sira, hodi bele promove investimentu iha área sira hirak ne’e, iha área alimentár, nia konklui.

Print Friendly, PDF & Email

LEAVE A REPLY

Please enter your comment!
Please enter your name here