Home Saude 6 Abríl, MS Rejista kazu Dengue Foun 44, Akumulativu Sa’e Ba 4003,...

6 Abríl, MS Rejista kazu Dengue Foun 44, Akumulativu Sa’e Ba 4003, Maioria Iha Dili

121
0
Ilustrasaun susuk dengue. [Foto: Copyright google | 20.01.2022]

Reportajen David da Costa Gusmao

Dadus ne’ebe relata hosi Diresaun Nasionál Saúde Publika (DNSP) no Departamento Vijilansia Epidemiolojia Ministeriu Saude (MS) nian iha loron 6 Abril,  ne’ebe Neon Metin asesu, ohin MS kontinua  rejista kazu dengue foun nain 44, no kazu dengue ne’e maioria iha Dili, nune’e kazu akumulativu Dengue iha Timor-Leste hamutuk 4003 no labarik mate ba dengue sae ba 50.

“Situasaun kazu Dengue Iha Timor-Leste Ohin loron dia 06 de Abril,  Ministeriu Saude rejista kazu dengue foun nain 44. husi total kazus foun ne’ebe relata iha loron ohin mai husi Municipio Bobonaro , Dili, Liquica, Manufahi no Viqueque. No kazu dengue akumulativu hamutuk 4003 no totál obitus nain 50,” dehan iha komunikadu imprensa ne’ebé neon metin asesu iha loron kuarta 6/04.

No hosi Kazu dengue ne’e maioria  deteta hosi Municipiu Dili ho total 2664 kazu, no tuir tan maka  Baucau ho kazu 251, Manatuto ho kazu 172, Manufahi kazu 162, Lautem ho kazu 153, Covalima ho kazu 126,  Liquica kazu 111 Municipio Ermera ho kazu 107,  Aileu ho kazu 87, Viqueque 68, Bobonaro ho kazu 52, Ainaro ho kazu 45, no ikus maka Reijaun Administrativa Espesiál Oe-cusse Anbeno (RAEOA)  ho kazu 5.

Nune’e  kazu Dengue jeralmente espalha ona iha territorio Timor-Leste laran tomak. Iha fulan Dezembro 2021 kazu komesa aumenta ho total 225, maibe iha fulan Marsu 2021 kompara ho fulan Marsu 2022 kazu barak liu ho total 1199 kazus.

“idade mais afektadu mak husi idade menus husi 14 anos mai kraik ho grupu idade 5-14  42,5% no idade 1-4 ho  35,4%. Ho ida ne’e Attack Rate (AR) idade 1-14 anos a nivel Nacional ho 0.7%. No tasa mortalidade a’as tebes husi idade 1-14 ho total 43 obitos husi total kumulativo 50 obitos,” esplika iha komunikadu ne’e.

Entretantu Distribuisaun kazu dengue tuir klasifikasaun mak Dengue Fever (DF) ho total 2222 kazu,  Dengue Hemorrhagic Fever (DHF) ho total kazu 304 no Dengue Shock Syndrome (DSS) ho total kazu 138.

Print Friendly, PDF & Email

LEAVE A REPLY

Please enter your comment!
Please enter your name here