Home EduTek Eskola EBC 123 Iha Darlau Laiha Biblioteka no Sala Ba Professor Sira

Eskola EBC 123 Iha Darlau Laiha Biblioteka no Sala Ba Professor Sira

376
0
Diretór Eskola Ensinu Basiku Central (EBC) 123 Darlau, Manuel Soares Da Silva. [Foto: David | 12.04.2022]

Reportajen David da Costa Gusmao

Eskola Ensinu Basiku Central (EBC) 123 Darlau, ne’ebe maka pretense iha Suku Becora Postu Administrativu Kristu Rei, Munisipiu Dili laiha biblioteka ba estudante sira no mós sala ka edifísiu ba iha profesór sira atu uza. Dadaun ne’e uza hela sala aula estudante nian ba iha edifisiu professore no ba bibloteka.

Diretór Eskola Ensinu Basiku Central (EBC) 123 Darlau, Manuel Soares Da Silva, dehan, Eskola EBC ne’e akredita iha 2012, mas seidauk iha  bibloteka ba estudante no mós sala ka edifisi  premante ida ba iha professores sira atu uza.

“Ami nia preokupasaun maka ne’e, edifisiu ba iha  professores sira laiha no sala ba Diretór mós laiha,  ami join hela sala aula alunos ninia ba iha edifisiu professore nian no mós uza ba bibloteka. Eskola EBC 123 iha uma tolu no sala 9 maibe ami uza tiha sala rua ba iha edifisiu professores no bobloteka entaun estudante sira uza deit sala 7. Aula ida akumula estudante hamutuk 43 to’o 45 estudantes mas sala aula ne’e la to’o entaun ami hakarak husu ha MEJD halo tan sala aula  5 mai ami,” dehan Diretór EBC 123, Manuel ba Jornalista sira iha Eskola EBC  Darlau, Sexta 8/04.

Tanba ne’e husu ba Ministeriu Edukasaun Juventude no Desportu (MEJD), atu halo ketak tiha edifisiu ba iha professor sira no mós halo biblioteka ketak, atu nune’e labele prezudika ba iha estudante sira.

Nune’e mós iha eskola ne’e laiha bee moos, bee ne’e dada hosi fatuk hun maka mai, maibe depois de inundasaun iha 4 Abríl tinan kotuk ne’e estraga tiha, iha tempu ida agora udan ne’e bee bakar mas tempu bailoron ne’e bee laiha susar loos.

“Ho problema sira ne’ebe eskola hasoru, ami halo ona proposta ba iha Ministeru Edukasaun Munispiu Dili, maibe to’o agora seidauk iha reponde, Tanba ne’e ami husu nafatin ba iha MEJD atu haree ba iha problema ne’ebe maka ami hasoru iha area rurál ne’e,” nia hateten.

Entertantu iha Eskola Ensinu Basiku Central (EBC) 123 Darlau Professor kontratadu iha nain 7, permanente nain 9, no volontariu nain 7, no total estudante iha EBC 123 Darlau 316.

Hatan ba preokupasaun  ne’e, Vise Ministeriu Edukasaun Juventude no Desportu (MEJD), Antonio Guterres informa, atu halo konstrusaun ba iha eskola ida, tenke tuir ninia fase.

“Eskola ida ne’ebe tama iha fase konstrusaun, hot-hotu tuir nia fase, ho ida ne’e primeriu tenke liuhosi ita nia servisu edukasaun munisipiu sira, no sira balum mós ba hato’o liuhosi Diresaun Nasional Impraestrutura Eskolár (DNIE) ninia, depois iha ne’eba maka foin halo lebantamemtu dados, maka foin haree eskola ne’e presiza iha nesesidade saida, sala aula ka, Bibloteka ka, sala ba professores sira, ida ne’e depende ba fali iha lebantamentu  hosi engineiru sira nian,” nia esplika.

Print Friendly, PDF & Email

LEAVE A REPLY

Please enter your comment!
Please enter your name here