Reportajen Santina Lucia da Costa
Kandidatu PR ho numeru sorteiu 2, Dr. Francisco Guterres Lú Olo hatete, Prezidente Republika iha dever boot, hodi influensia Governu foti levantamentu kona-ba povu nian.
Iha ambitu Debate ne’e, Kandidatu Prezidente RepubliKa, Dr. Francisco Guterres Lú Olo, hateten, Prezidente Republika uza ninia mejistratura influensia para atu koalia ho governu tanba Governu ne’e relasaun di’ak direita ho Prezidente Republika ida seluk mak halai ba Parlamentu Nasional.
Lú Olo hatutan Prezidente Republika tenki hato’o ba sira, tenki hato’o ba Primeriu Ministru, no Ministeriu ne’ebé mak nia problema tenki rezolve problema ida ne’e, Prezidente RepubliKa hakarak haree nia rezultadu tanba iha tiha ona programa no orsamentu tan saida mak la implementa, bele halo sensura ba ba Governu no ajuda governu hodi fó resposta.
“Hau rasik hanesan Prezidente Republika, antes atu covid-19 tama iha ita nia rai hau halo vizita ba Munisipiu sira hotu realidade ida ne’e mak hau haree, povu sira husu nafatin ba hau kona-ba Estrada, Eskola, Saude nian, Eskola aat hotu, kadeira laiha ba estudante sira tur, Professor sira laiha meza, Armari tau livru. Ekonomia Fraku, presija sira buka nafatin oinsa para hakbiit sira nia produsaun sa’e nafatin, problemas barak oioin.” dehan, Kandidatu PR, Francisco Guterres Lú Olo, iha Salaun Mahoka, Hudi-Laran, Kuarta-Feira, 13/4.
Lú Olo, Afirma, Mezmu Covid-19 depois Covid-19, nia sai fila-fali ba Munisipiu Tolu ka haat la konsege to’o mandatu atu hotu, banhira povu koalia ho Nia, sira aprezenta difikuldade, balun sei laiha eletrisidade to’o agora, parese persentajen ki’ik, maibé suku balun seidauk hetan. Hanesan Prezidente Republika klaru iha dever boot ida perante situasaun ida ne’e nian.
Lú Olo realsa, Prezidente Republika la’os orgaun ezekutivu nian, tanba buat hirak ne’e hotu tenki tama, Governu foti levantamentu kona-ba kondisõens vida povu tau hanesan programa para ba implementa orsamentu ne’ebé mak Parlamentu Nasional aprova.
