Reportajen Zevonia Vieira
Kandidatu Prezidente Republika, Dr. Jose Ramos Horta ezerse ona nia votu iha sentru votasaun Sede Suku Metiaut. Depois de vota, ba jornalista sira Ramos Horta hateten prontu manan no prontu lakon
“Prontu atu manan, prontu atu lakon ho espíritu demokrasia, respeito ba eleitór sira, respeitu ba povu nebe soberanu, ne’ebe halo ejersijiu kada tinan 5 hodi fo sira nia direitu, ne;e duni kualkér kandidatu ba hau koalia nune” dehan Horta iha Metiaut, 19/04
Nia afirma tan sekarik mana iha ronde daruak sei hato’o agradese ba Xanana Gusmao, CNRT no partidu seluk ne’ebe fo apoiu, no mos sei koalia ho partidu sira seluk, inklui FRETILIN oinsá bele serbisu hamutuk hodi garante estabilidade no paz iha Timor-Leste.
Kandidatu ho númeru sorteiu 1 ne’e, nudar eleitór ba dala uluk tama iha sentru votasaun, iha oras tuku 07:15. Iha sentru votasaun refere hetan oberservasaun nasiona no internasionál, husi Comisaun Nasional Eleisaun no hetan seguransa másimu husi Polisia Nasional Timor-Leste.
