Home Notisia CNC Lansa Livru Rua, Iha Loron Reflesaun Ba Levantamentu Marabia 10 Junu...

CNC Lansa Livru Rua, Iha Loron Reflesaun Ba Levantamentu Marabia 10 Junu 1980

168
0
CNC lansa livru konaba memoria. [Foto: Silvino | 09.06.2022]

Reportajen Silvino Freitas

Centro Nasionál Chega! (CNC) lansa livru rua, “Hau Nia Memoria” hakerek husi autora Aurora Asunção Sarmento Quintão ho kódigu luta “Keu-Nahak” no nia maridu Saudozu Alberto da Costa ho naran kódigu luta “Bua”, ne’ebé hakerek livru ho titulu “Hau nia Dalan Ba Libertasaun”, iha seminariu reflesaun ba levantamentu Marabia 10 de Junho 1980.

Aurora haktuir livru ne’ebé sira hakerek nia rai kleur ona no lahatene atu entrega livru ne’e ba se los.

“Hau agradese tebes ba Chega! tanba bele halo ona lansamentu ba ami nain rua nia livru, hau rai livru ne’e kleur ona hau dehan hanesan ne’e hau atu lori livru ba se los, ba AMRT ka Chega! ka nunee hau agradese no orgullu tebes ba lansamentu ida ne’e” dehan autora livru Aurora iha salaun CNC Balide,(09/06).

Nia dehan livru ne’ebé sira hakerek atu sai hanesan referensia istorika ida ba jerasaun foun sira tanba ístoria ne’e haktuir prosesu luta ba libertasaun.

Fatin hanesan Vise-Prezidente Parlamento Nasionál(PPN) Maria Angelina Sarmento hateten, iha livru rua ne’ebé halo lansamentu haktuir kona ba sira nia jornada moris hahu husi 1974 revolusaun eskravus.

“Maske hau seidauk lee hotu livru husi autor nain rua nian maibe husi livru ne’e bele kontribui ona ba bibleoteka nasionál nian, nee rekeza nasaun ida ne’e nian iha parte edukasaun memoria instituisional laos de’it ba kontribui ba luta ida ne’e maibe ba mos jerasaun foun sira” dehan Vise-PPN.

Nia dehan tan, tia Aurora ho tiu Alberto ema ida ne’ebé halo ístoria no hakerek rasik nia ístoria, iha ema balun ne’ebé hatene halo ístoria maibe la hatene hakerek nia ístoria rasik no ema seluk mak hakerek fali sira nia ístoria, maibe sira rua diferente sira halo ístoria no sira rasik foti inisiativa hodi hakerek ístoria rasik.

Entretantu Diretór Ezekutivu CNC, Hugo Fernandes konklui katak, liu husi livru rua ne’e CNC iha misaun importante ida atu bele dokumenta no rejista memória sira pasadu nian, tanba iha rekomendasaun ida husi relatoriu Chega katak, estadu tenke halo esforsu hodi fo biban ba ema sira ne’ebé durante ne’e kontribui luta ba ukun rasik an hodi husik hela sira nia memoria.

Print Friendly, PDF & Email

LEAVE A REPLY

Please enter your comment!
Please enter your name here