Reportajen Francisco Colo
Prezidente Konsellu Imprensa, Virgílio da Silva Guterres hato’o preokupasaun ba Prezidente Republika relsiona ho jornalista nain rua Francisco Bello hosi Instituisaun média hatutan.com no Raimundo Oki hosi The Oekussi Post(TOP) ne’ebé enfrenta kazu legal ninian.
Konsellu Imprensa hato’o nia preokupasaun ba Xefe Estadu atu tranzmite nune’e Xefe Estadu bele halo komunikasaun ho entidade relevante kona-ba kolega jornalista na’in rua, ne’ebé oras ne’e daudauk enfrenta kazu legál ninian.
“Hanesan Francisco Belo Simões husi Hatutan, no Ramundos Oki husi Oekussi Post, entaun ami hato’o KI nia preokupasaun no husu Xefe Estadu atu mós akompaña no halo intervensaun probisidade ba entidade sira ne’ebé relevante.”sublina Prezidente virgilio Guterres, hafoin remata ho Prezidente Republika iha palasiu prezidensiál Aitarak laran.01/07/2022.
Virgilio dehan enjerál hanesan jornalista, “ami dehan ita hotu hakru’uk ba lei sira, maibé buat importante mak implementasaun lei ne’e labele mai atu sai fali hanesan intimidasaun ka limitasaun garantia konstituisionál sira ne’ebé garante liberdade ba jornalista sira”.
“Prezidente Repúblika hatete nia sei akompaña liu-liu ba kazu Raimundos Oki ninian, Xefe Estadu akompaña hela tanba ne’e kona-ba kazu ida ne’ebé delikadu kona-ba segredu justisa depois mós kona-ba abuzu sexual. ”salienta Prezidente Republika Horta.
Konsellu Imprensa mós sei buka hatene substánsia husi infrasaun ba segredu justisa ne’e, husi parte ida ne’ebé, atu nune’e Konsellu Imprensa bele haree moos prosesu ne’e.
Maibé husi Xefe Estadu nian hatetem sei akompaña situasaun ne’e, atu nune’e kualkér prosesu ne’e labele sai hanesan intimidasaun ho ameasa ba jornalista sira, atu hala’o sira nia atividade jornalistiku.
